Búgin oblys ákimi Nurlybek Nálibaev Qazaqstannyń Eńbek Eri Abzal Eralıevpen jáne birqatar zııaly qaýym ókilderimen birge egis alqabynda alǵashqy dán sebý sharasyna qatysty.
Shıeli aýdanyndaǵy "Aqmaıa" sharýashylyǵynyń egis alqabynda ótken jıyn «Dala kúni» semınar-keńesimen jalǵasty.
Aımaq basshysy el qambasynyń astyqqa tolýyn, mol ónim alýdy tilep, sharýa azamattarynyń eńbegi nátıjeli bolýyn tiledi.
«Dala kúni» semınar-keńesi barysynda aýylsharýashylyǵy salasyndaǵy ózekti máseleler sóz bolyp, sharýa qojalyq ıeleri ortaq máselelerdi talqylady. Birqatar basqarma basshylary men aýdan ákimderi egin egý baǵytynda baıandama jasap, aldaǵy iske asatyn josparlaryn tizbektedi.
Bıylǵy jyly óńirde 185,6 myń gektarǵa aýyl sharýashylyǵy daqyldaryn ornalastyrý mejelengen. Onyń ishinde dándi daqyldar 90,8 myń gektardy, maıly daqyldar 5,3 myń gektardy, mal azyqtyq daqyldar 70,0 myń gektardy, kartop, kókónis, baqsha 19,4 myń gektardy quraıdy.
Negizgi daqyl - kúrish egý men ony sýǵa bastyrý jumystary aýa raıy jaǵdaıyna baılanysty oblys sharýashylyqtarynda ishinara bastalsa, búginnen bastap jappaı kiriskeli otyr. Kúrish egý jáne sýǵa bastyrý jumystaryn mamyr aıynyń 30 deıin bitirý josparlanyp otyr. Al, kartop, kókónis, baqsha, júgeri jáne taǵyda basqa daqyldardy egýdi ońtaıly merzimderin saqtaı otyryp, mamyr aıynyń úshinshi onkúndigi men maýsym aıynyń birinshi onkúndikterinde aıaqtalatyn bolady.
Aımaq basshysy Syr marjanynyń kólemin meıilinshe qysqartpaı, egin naýqanyna qatysty naqty mindetterdi júktedi.
- Aımaǵymyz birden-bir kúrishke beıimdelgen, halqy osy kásipke mamandanǵan el, onyń ústine kúrish egilmese topyraq tuzdanyp, ınjenerlik jerlerden aıyrylyp qalamyz, sondyqtan meılinshe kúrishti qysqartpaýǵa tyrysamyz. Syr dıhandaryna ata kásibin jalǵastyrýǵa múmkindik jasap, azyq-túlik óndirý kólemin arttyrý basty baǵytymyz bolmaq.
Bıyl aýylsharýashylyq daqyldarynyń kólemin ońtaıly merziminde egilýin, kóktemgi dala jumystaryn qarjylandyrýdy uıymdastyryp, qajetti tuqym, mıneraldy tyńaıtqyshtar, janar-jaǵarmaı jáne qosalqy bólshektermen qamtamasyz etilýin qadaǵalaý qajet. Sebiletin kúrish tuqymynyń sapasyn anyqtaý úshin zerthanalyq zertteýden tolyq ótkizýdi qamtamasyz etip, egiske sý alýdy kelisilgen kestege sáıkes uıymdastyrýdy tapsyramyn, -, dedi Nurlybek Nálibaev.
Munymen qosa, oblys ákimi sý joldarynyń, sý nasostary men gıdrotehnıkalyq qurylystardyń, sý beketteriniń tolyq daıyndyǵyn jáne vegetaııalyq kezeńde kestege saı sý mólsherimen qamtamasyz etýdi uıymdastyrýdy, egiske qajetti sýdyń belgilengen lımıtke sáıkes alynýyn tapsyrdy.
