كتك تەلەارناسىنىڭ اكتسيالارىن نازارباەۆ ساتىپ العانى راس پا؟

2191
Adyrna.kz Telegram
"كوممەرتسيالىق تەلەۆيزيالىق ارنا" اق كتك تەلەارناسى اكتسيالارىن تۇڭعىش پرەزيدەنت نۇرسۇلتان نازارباەۆ ساتىپ الدى دەگەن اقپاراتقا قاتىستى رەسمي مالىمدەمە جاسادى.
بۇعان دەيىن بىرقاتار باسىلىم نۇرسۇلتان نازارباەۆ كتك تەلەارناسىنىڭ اكتسيالارىن ساتىپ الدى دەپ حابارلاعان بولاتىن.
"تۇڭعىش پرەزيدەنتتىڭ اكتسيالاردى ساتىپ العانى تۋرالى اقپارات جاڭساق ەكەنىن مالىمدەيمىز", - دەلىنگەن حابارلامادا.
كتك تەلەارناسى 2022 جىلعى 14 ناۋرىزدا ءوز اكتسيونەرلەرى اراسىندا ءبىر داناسى 500 تەڭگە تۇراتىن 2 622 850 جاي اكتسيا ورنالاستىرعان. ونىڭ ىشىندە 2 396 156 اكتسيانى كتك تەلەارناسىنىڭ ءىرى اكتسيونەرى – "نۇرسۇلتان نازارباەۆ قورى" جەكە قورى ساتىپ العان.
"وقىرمان قاۋىمدى جاڭىلىستىرماۋ ءۇشىن ارىپتەستەرىمىزدەن بولاشاقتا رەسمي اقپاراتقا سۇيەنۋدى جانە پوپۋليستىك تاقىرىپتاردان اۋلاق بولۋىن سۇرايمىز", - دەلىنگەن مالىمدەمەدە.
“ادىرنا” ۇلتتىق پورتالى
پىكىرلەر