قازاقستاندا ءتورت جاڭا ساياسي پارتيا پايدا بولادى - مۋسين

3434
Adyrna.kz Telegram
فوتو: taunews.kz
فوتو: taunews.kz
قازاقستاندا ءتورت جاڭا ساياسي پارتيا پايدا بولۋى مۇمكىن، دەپ ايتتى ادىلەت ءمينيسترى قانات مۋسين، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە جاساپ.

بۇگىندە ءتورت تاراپتىڭ قۇجاتتارىن قاراستىرىپ جاتىرمىز. بۇل – «ەل تىرەگى»، «حالىق دەربەستىگى»، «نامىس» جانە «بايتەرەك». «حالىق دەريبەستەگى» پارتياسى ەكىنشى كەزەڭگە ءوتىپ، بەكىتىلۋىن الدى، سەزىن وتكىزدى. پارتيا قۇرىلتاي سەزىن وتكىزگەننەن كەيىن 20 000 كانديداتتىڭ ءتىزىمىن ۇسىنۋى كەرەك. قازىر زاڭ بويىنشا تىركەۋ مەرزىمى توقتاتىلدى، پارتيا مۇشەلەرىنىڭ زاڭعا سايكەستىگى تەكسەرىلۋدە.قازاقستان رەسپۋبليكاسىنىڭ ادىلەت ءمينيسترى قانات مۋسين.

قالعان پارتيالار – «ەل تىرەگى»، «نامىس» جانە «بايتەرەك» ءالى ءبىرىنشى كەزەڭدە. ءمينيستردىڭ ايتۋىنشا، قۇرامىندا كەمىندە 1000 ادام بولۋى ءتيىس باستاماشى توپ مۇشەلەرىنىڭ ىشىندە اتى-ءجونى، تەگى نەمەسە اكەسىنىڭ اتىمەن سايكەس كەلمەيتىن جسن نەمەسە جسن دۇرىس ەمەس ادامدار انىقتالعان.

وكىنىشكە وراي، باسقا پارتيالاردىڭ مۇشەلەرىمەن قاتار قازا تاپقان ازاماتتار دا انىقتالدى. زاڭ بويىنشا قازاقستان ازاماتى تەك ءبىر ساياسي پارتيانىڭ مۇشەسى بولا الادى. سوندىقتان ول باسقا پارتيا قۇرۋعا قاتىسا المايدى. بىراق بارلىق كەمشىلىكتەر جويىلعاننان كەيىن تاراپتار قۇجاتتاردى قايتا تاپسىرىپ، كەلەسى كەزەڭدەردەن وتۋگە ءوتىنىش بەرە الادى، - دەدى قانات مۋسين.

ادىلەت مينيسترلىگىنىڭ باسشىسى 2019 جىلدان بەرى ساياسي پارتيانى تىركەۋگە 10 باستاماشىل توپ ءوتىنىش بىلدىرگەنىن ناقتىلادى. ولاردىڭ ۇشەۋى ءبىرىنشى كەزەڭنەن ءوتتى، ولار حابارلاما الىپ، اقپاراتتاردى قابىلداۋ تۋرالى راستاۋ بەردى.

ەسكە سالايىق، 16 ناۋرىزدا مەملەكەت باسشىسى ءوز جولداۋىندا قازاقستاندا پارتيالاردى تىركەۋ راسىمدەرى ايتارلىقتاي جەڭىلدەتىلەتىنىن ايتقان بولاتىن. تىركەۋ شەگىن ءتورت ەسە – 20-دان 5 مىڭ ادامعا دەيىن تومەندەتۋدى تاپسىردى.

"ادىرنا" ۇلتتىق پورتالى 

پىكىرلەر