پراگادا ديماش قۇدايبەرگەننىڭ كونتسەرتى دۇركىرەپ ءوتتى

9542
Adyrna.kz Telegram
فوتو: dimashnews.com
فوتو: dimashnews.com

كەشە چەحيا استاناسى پراگا ديماش قۇدايبەرگەننىڭ «ARNAU» ەستافەتاسىن قابىلدادى. DimashNews رەداكتسياسىنا بەرگەن سۇحباتىندا ءانشى كوپتەن كۇتكەن جەكە كونتسەرتى جايلى ايتىپ بەردى، دەپ جازادى "ادىرنا" ۇلتتىق پورتالى.

چەحيانىڭ جۇرەگىندەگى شوۋدى جارقىن ءارى اسەرلى اياقتاعان ديماش پاندەميادان كەيىن جەكە كونتسەرتپەن ورالۋ – ەشتەڭەمەن سالىستىرۋعا كەلمەيتىن كەرەمەت سەزىم تۋدىرعانىن ايتتى.

«ءيا، پاندەميانىڭ 2 جىلىندا ءارتۇرلى ماراپاتتار مەن فەستيۆالدەردە ونەر كورسەتتىم، بىراق جەكە كونتسەرتپەن ورالۋ – مۇلدەم باسقا ەموتسيا. اتموسفەرا تانىس، ەرەكشە. سوندىقتان، ارينە، بارلىق Dears-قا ماعان كورسەتكەن سۇيىسپەنشىلىگى مەن قولداۋى ءۇشىن العىس ايتقىم كەلەدى»،– دەيدى ول.

– وسى ۋاقىت ىشىندە جانكۇيەرلەرمەن بايلانىس ءۇزىلدى مە؟

– بۇل سۇراققا جاۋاپ بەرۋ وتە قيىن. ءتىپتى بولەك بولسام دا، مەن، ارينە، Dears-تىڭ سۇيىسپەنشىلىگى مەن قولداۋىن سەزىندىم، بىراق سوعان قاراماستان ازداعان قوبالجۋ بولدى. الايدا، ساحناعا شىققان بويدا بارلىق ۋايىمىم ءاپ-ساتتە سەيىلدى. ءبىزدىڭ وتكەن كونتسەرتتەرىمىز پاندەمياعا بايلانىستى 2 جىل جوعالتقانىمىزعا قاراماستان، Dears-پەن بايلانىسىمىز ءالى دە كۇشتى ەكەنىن كورسەتتى.

DimashAli شىعارماشىلىق ورتالىعىنىڭ جەتەكشىسى قانات ايتباەۆ 2 جىلدان كەيىن كونتسەرتتىك اتموسفەراعا ورالۋ جانە كونتسەرتتەرگە دايىندىق قالاي وتكەنىن اڭگىمەلەدى.

«وزدەرىڭىز بىلەتىندەي، 2020 جىلى باستالعان كوروناۆيرۋس ينفەكتسياسىنىڭ پاندەمياسىنا بايلانىستى ءبىز تۋردى توقتاتا تۇرۋعا ءماجبۇر بولدىق. ارينە، ءبىز ءۇشىن ونى قايتا جالعاستىرۋ – ۇلكەن باقىت. ديماشتىڭ كورەرمەندەرىمەن، شىعارماشىلىعىنىڭ جانكۇيەرلەرىمەن، سونداي-اق ءارتۇرلى ەلدەردەگى ارىپتەستەرىمىزبەن كەزدەسكەنىمىزگە قۋانىشتىمىز. ءبىز ءبىر ۇجىمبىز جانە ارقايسىمىز ءۇشىن ەرەكشە باعدارلامامەن ۇلكەن قۋانىشپەن جۇمىس جاسايمىز. ەموتسيا وتە كوپ جانە ونىڭ ءبارى وتە جاعىمدى، ويتكەنى كونتسەرتتەر – ارقاشان جاقسىلىق پەن بىرلىككە شاقىراتىن قۇرال»، – دەيدى ول.

سونداي-اق، قانات ايتباەۆ لوكداۋنعا قاراماستان، ديماشتىڭ كومانداسى ءبىر-بىرىمەن بايلانىسىن ۇزبەي، ۇيىمشىل بولا وتىرىپ، جۇمىسىن جالعاستىرعانىن ايتتى.

«پاندەميا باستالعان ساتتەن باستاپ ءبىز تەحنيكالىق جاعىنان دا، شىعارماشىلىق جاعىنان دا ءبىر سەكۋندقا بايلانىستى جوعالتپادىق. بالالار ءبىر-بىرىمەن ۇنەمى ونلاين تىلدەسىپ، بەينەبايلانىس ارقىلى كوپ جاتتىقتى. دۋبايداعى كونتسەرتتەن ەكى اپتا بۇرىن ءبىزدىڭ شىعارماشىلىق كوماندا نۇر-سۇلتانعا ۇشىپ، الداعى شوۋعا دايىندىقتى باستادى. ۇزاق جانە وتە مۇقيات دايىندالدىق، بۇل بۇرىنعى ارناعا تەز ەنۋگە كومەكتەستى» دەپ اتاپ ءوتتى پروديۋسەر.

 

"ادىرنا" ۇلتتىق پورتالى 

پىكىرلەر