قازاقستاندىقتار WhatsApp مەسسەندجەرىندە نۇرسۇلتان نازارباەۆ حالىقارالىق اۋەجايىنىڭ سايتىنا حاكەرلىك شابۋىل جاسالىپ، قازاقستان ارقىلى ترانزيتپەن ۇشقان رەسەيلىك ۇشاقتارعا «توقتا» سيگنالدارى جىبەرىلگەندىگى تۋرالى اقپارات تاراتۋدا. اۋەجايدىڭ ءباسپاسوز قىزمەتى وسى جاعدايعا قاتىستى تۇسىنىكتەمە بەردى. بۇل تۋرالى Stopfake اقپارات رەسۋرسى حابارلادى، دەپ جازادى "ادىرنا" ۇلتتىق پورتالى.
– نۇرسۇلتان نازارباەۆ حالىقارالىق اۋەجايى بۇگىن ساعات 12:20-دا nn-airport.kz سايتىنا بىرنەشە رەت سۇراۋ سالۋ ارقىلى شابۋىل جاسالعانىن حابارلادى. شابۋىلعا تويتارىس بەرىلدى جانە سايتتىڭ جۇمىسى 13:20-دا قالپىنا كەلتىرىلدى. سايت ەشقانداي حابارلاما جىبەرمەيدى، مۇنداي قىزمەتى جوق، – دەدى استانا اۋەجايىنىڭ ءباسپاسوز حاتشىسى ءانۋار شالەكەنوۆ.
"ادىرنا" ۇلتتىق پورتالى
