Qazaqstan musylmandary dinı basqarmasy sharıǵat jáne pátýa bólimi meńgerýshisiniń orynbasary Sansyzbaı Qurbanuly «Ýaqyt kórsetedi» baǵdarlamasyna suhbat berdi.
Suhbat kezinde Sansyzbaı Qurbanuly dintanýshy Qaırat Joldybaıulynyń «Tuńǵysh prezıdentimiz Nursultan Nazarbaev Túrkistan jerinde jerlenýge laıyqsyz» degen málimdemesine qatysty pikir bildirdi.
«Ol ony nege súıenip aıtty? Sharıǵatta birinshi búkil áýlıeler jınalyp paıǵambar dárejesine jete almaıdy. Ekinshi sahabalar deıik. Sahaba degender paıǵambardyń kózin kórgender. Odan keıin baryp tabın deıdi bab deıdi. Paıǵambarymyzdyń kezinde sahabalardyń ishinde ekijúzdiler boldy. Ol ekijúzdilerdi basqa jerge jerlegen joq baryp, sol áýlıeler jatqan jerge jerledi.
Elbasynyń qatesi, kemshiligi bolǵan shyǵar. Biraq ol musylman ǵoı. Musylman adam musylmannyń qabirine baryp jerlenedi» dedi ol.
Sondaı-aq, Qazaqstan musylmandary dinı basqarmasy sharıǵat jáne pátýa bólimi meńgerýshisiniń orynbasary dintanýshy Qaırat Joldybaıulyna úndeý jasady.
«Qaırat baýyrymyz sóılese sóılesin. Biraq dálelmen sóılesin» deıdi Qurbanuly.
Óz sózin Qazaqstan musylmandary dinı basqarmasynyń ókili «jatam dese jatsyn. Ol meshit, medrese soǵyp, elge qyzmet etip jatyr ǵoı» dep túıindedi.
Aqparat kznews.kz saıtynan alyndy.
