قازاقستانعا رەسەيدەن كەلەتىن «مۇسىلمان» شۇجىعىنان شوشقا دنق-سى تابىلدى، دەپ حابارلايدى قر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ (سەقكو) ۇلتتىق ساراپتاما ورتالىعى.
«قازاقستان سورەلەرىندە ساتىلاتىن رەسەي فەدەراتسياسىنان كەلگەن سيىر ەتىنىڭ كونسەرۆىلەرى مەن جارتىلاي ىستالعان مۇسىلمان شۇجىقتارىنان شوشقا دنق تابىلدى. زەرتتەۋ ناتيجەلەرى قر دەنساۋلىق ساقتاۋ مينيسترلىگىنىڭ سولتۇستىك قازاقستان وبلىسى بويىنشا قسەك «ۇلتتىق ساراپتاما ورتالىعى» شجق رەسپۋبليكالىق مەملەكەتتىك كاسىپورنىنىڭ سىناق زەرتحاناسىندا انىقتالدى»، - دەلىنگەن بەيسەنبى كۇنى تاراتقان حابارلامادا.
ناقتىلانعانداي، ناۋرىز ايىندا سولتۇستىك قازاقستان وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتى حالىق تۇتىناتىن تاۋارلاردىڭ ساپاسىنا مونيتورينگ جۇرگىزۋ اياسىندا 38 ەت سىناماسىن ساتىپ العان بولاتىن.
”ادىرنا” ۇلتتىق پورتالى
