شەشەنستان باسشىسى رامزان قادىروۆ رەسەي قارۋلى كۇشتەرى (قك) ۋكراينانىڭ بارلىق قالالارىنا شابۋىل باستايدى دەپ ۋادە بەردى. بۇل تۋرالى ول Telegram-ارناسىندا جاريالانعان بەينەۇندەۋىندە ايتتى، دەپ حابارلايدى «ادىرنا» ۇلتتىق پورتالى.
ونىڭ ايتۋىنشا، قارۋلى كۇشتەر قالالاردى، اۋىلداردى جانە باسقا دا ەلدى مەكەندەردى «فاشيستەر» مەن «باندەرالاردان» ازات ەتۋ ءۇشىن ولارعا شابۋىل جاساۋدى جوسپارلاپ وتىر.
«مىندەتتەر ايقىن جانە ءبىز قازىردىڭ وزىندە ناقتى جۇمىستى باستاپ جاتىرمىز، تەك ماريۋپولدە عانا ەمەس، سونىمەن قاتار بارلىق باسقا ەلدى مەكەندەردە، قالالار مەن اۋىلداردا شابۋىل تولقىنى بولادى. بىراق، ەڭ الدىمەن، ءبىز لۋگانسك پەن دونەتسكىنى تولىعىمەن ازات ەتەمىز، مۇنداي تاپسىرمانى باس قولباسشى، (رەسەي پرەزيدەنتى ۆلاديمير پۋتين) قويدى»، - دەدى قادىروۆ.
سونداي-اق، ول «كيەۆتەن رەسەي اسكەرىن اكەتسە، دەمەك ۋكراينا رەسەيدەن جوعارى تۇر» دەگەن ايىپتاۋلارعا جاۋاپ بەردى.
«ەگەر كيەۆ ءبىزدىڭ جوعارعى قولباسشى وزىنە العان بارلىق مىندەتتەمەلەرىن ورىنداماسا، سوعىس توقتامايدى دەپ سەندىرە الامىن. باندەرا جاساقتارى مەن شايتانداردى قۇرتۋ ءۇشىن كيەۆكە شابۋىل باستايمىز... ءبىز ولاردى ءتىپتى تىرىلەي دە، مورالدىق تۇرعىدان ولتىرەمىز »، - دەدى قادىروۆ.
بۇعان دەيىن قادىروۆ ماريۋپولدەگى نەگىزگى تاپسىرمالاردىڭ ءىس جۇزىندە اياقتالعانىن ايتقان. ونىڭ ايتۋىنشا، قۇتقارىلعان جەرگىلىكتى تۇرعىنداردىڭ بارلىعى قاۋىپسىز جەرلەرگە جەتكىزىلگەن.
«ادىرنا» ۇلتتىق پورتالى
