Sheshenstan basshysy Ramzan Qadyrov Reseı Qarýly Kúshteri (QK) Ýkraınanyń barlyq qalalaryna shabýyl bastaıdy dep ýáde berdi. Bul týraly ol Telegram-arnasynda jarııalanǵan beıneúndeýinde aıtty, dep habarlaıdy «Adyrna» ulttyq portaly.
Onyń aıtýynsha, Qarýly kúshter qalalardy, aýyldardy jáne basqa da eldi mekenderdi «fashıster» men «banderalardan» azat etý úshin olarǵa shabýyl jasaýdy josparlap otyr.
«Mindetter aıqyn jáne biz qazirdiń ózinde naqty jumysty bastap jatyrmyz, tek Marıýpolde ǵana emes, sonymen qatar barlyq basqa eldi mekenderde, qalalar men aýyldarda shabýyl tolqyny bolady. Biraq, eń aldymen, biz Lýgansk pen Donekini tolyǵymen azat etemiz, mundaı tapsyrmany bas qolbasshy, (Reseı prezıdenti Vladımır Pýtın) qoıdy», - dedi Qadyrov.
Sondaı-aq, ol «Kıevten Reseı áskerin áketse, demek Ýkraına Reseıden joǵary tur» degen aıyptaýlarǵa jaýap berdi.
«Eger Kıev bizdiń joǵarǵy qolbasshy ózine alǵan barlyq mindettemelerin oryndamasa, soǵys toqtamaıdy dep sendire alamyn. Bandera jasaqtary men shaıtandardy qurtý úshin Kıevke shabýyl bastaımyz... Biz olardy tipti tirileı de, moraldyq turǵydan óltiremiz », - dedi Qadyrov.
Buǵan deıin Qadyrov Marıýpoldegi negizgi tapsyrmalardyń is júzinde aıaqtalǵanyn aıtqan. Onyń aıtýynsha, qutqarylǵan jergilikti turǵyndardyń barlyǵy qaýipsiz jerlerge jetkizilgen.
«Adyrna» ulttyq portaly
