Şeşenstan basşysy Ramzan Qadyrov Resei Qaruly Küşterı (QK) Ukrainanyŋ barlyq qalalaryna şabuyl bastaidy dep uäde berdı. Būl turaly ol Telegram-arnasynda jariialanǧan beineündeuınde aitty, dep habarlaidy «Adyrna» ūlttyq portaly.
Onyŋ aituynşa, Qaruly küşter qalalardy, auyldardy jäne basqa da eldı mekenderdı «faşister» men «banderalardan» azat etu üşın olarǧa şabuyl jasaudy josparlap otyr.
«Mındetter aiqyn jäne bız qazırdıŋ özınde naqty jūmysty bastap jatyrmyz, tek Mariupolde ǧana emes, sonymen qatar barlyq basqa eldı mekenderde, qalalar men auyldarda şabuyl tolqyny bolady. Bıraq, eŋ aldymen, bız Lugansk pen Doneskını tolyǧymen azat etemız, mūndai tapsyrmany bas qolbasşy, (Resei prezidentı Vladimir Putin) qoidy», - dedı Qadyrov.Sondai-aq, ol «Kievten Resei äskerın äketse, demek Ukraina Reseiden joǧary tūr» degen aiyptaularǧa jauap berdı.
«Eger Kiev bızdıŋ joǧarǧy qolbasşy özıne alǧan barlyq mındettemelerın oryndamasa, soǧys toqtamaidy dep sendıre alamyn. Bandera jasaqtary men şaitandardy qūrtu üşın Kievke şabuyl bastaimyz... Bız olardy tıptı tırılei de, moraldyq tūrǧydan öltıremız », - dedı Qadyrov.Būǧan deiın Qadyrov Mariupoldegı negızgı tapsyrmalardyŋ ıs jüzınde aiaqtalǧanyn aitqan. Onyŋ aituynşa, qūtqarylǧan jergılıktı tūrǧyndardyŋ barlyǧy qauıpsız jerlerge jetkızılgen.
«Adyrna» ūlttyq portaly
Ūqsas jaŋalyqtar
