امەريكا قازاقتارى مەيرامبەك بەسپاەۆ پەن عازيزحان شەكەربەكوۆكە الدانىپ قالعاندىعىن جازىپ، شاعىمدانۋدا، دەپ حابارلايدى “ادىرنا” ۇلتتىق پورتالى.
"مىنا جاقتا ماسقارا بولىپ جاتىر. مەيرامبەك بەسباەۆ پەن عازيزحان شەكەربەكوۆ امەريكانىڭ ورلاندو قالاسىنداعى قازاقتارعا كونتسەرت وتكىزبەكشى بولعان. قازاقتار ءماز، نەشە ءتۇرلى شتاتتاردان كەلگەن، بيلەتتەردى ساتىپ العان، ەندى مىنا ەكى جۇلدىزىمىز كونتسەرتكە كەلگەن جوق. قازاقتار تەلەفون سوقسا، "ويباي، كونتسەرت پا" دەپ دىم بىلمەگەندەي وتىر. سوندا مىنا ۆيدەونى كىم جاساعان؟ ەكى ورتادا ۇيىمداستىرۋشىلار كىنالى بولىپ قالدى، زالدىڭ اقشاسىن ءوز قالتاسىنان تولەۋگە ءماجبۇر بولدى. جىگىتتەر، مىنالارىڭ ۇيات ەندى. مىنا جاقتا ەرىگىپ جۇرگەن ادام جوق، بارلىعى جۇمىس ىستەپ اقشا تاۋىپ قازاقستانداعى تۋىستارىن اسىراۋدا", دەپ جازدى ايجان حاميت.
ال ۆيدەودا مەيرامبەك بەسباەۆ:
"ارداقتى باۋىرلار، 3 - ءساۋىر كۇنى ورلاندو قالاسىندا جولىعايىق، ناۋرىزعا كەلدىك، وسىنداعى قانداستارىمىزدى كورۋگە كەلدىك، ارالاسايىق: سىزدەردى كورىپ قۋانىپ ءجۇرمىز. جاقسى ءبىر كەش وتكىزەيىك. اسەرلى بولسىن كەشىمىز. 3 ءساۋىر ورلاندودا كەزدەسەيىك" دەيدى.
“ادىرنا” ۇلتتىق پورتالى
