پارلامەنت سەناتىنىڭ دەپۋتاتى سەرگەي ەرشوۆ پرەمەر-مينيستر ءاليحان سمايىلوۆقا قازاقستانداعى سۋ تاسقىنى جاعدايىنا قاتىستى ساۋال جولدادى، دەپ حابارلايدى “ادىرنا” ۇلتتىق پورتالى.
— سونىمەن بىرگە، تابيعي توتەنشە جاعدايلاردىڭ الدىن الۋعا ەمەس، زارداپتارىن جويۋعا باسا نازار اۋدارىلۋدا. وسىنى ەسكەرە وتىرىپ، ءبىز ۇكىمەتتەن تابيعي توتەنشە جاعدايلاردى، سونىڭ ىشىندە سۋ تاسقىنىن جويۋعا عانا ەمەس، ولاردىڭ الدىن الۋعا باعىتتالعان ۇيىمداستىرۋشىلىق، زاڭنامالىق جانە كەشەندى سيپاتتاعى جۇيەلى شارالاردى بەلگىلەۋدى سۇرايمىز، – دەدى سەناتور.
ماۋلەن اشىمباەۆ تا دەپۋتاتتى قولدادى.
— بۇگىنگى تاڭدا بىرقاتار وبلىستار سۋ تاسقىنى، سۋ تاسقىنىنىڭ زارداپتارىمەن بەتپە-بەت كەلىپ وتىر، بۇل ماسەلەنى دەپۋتاتتار مەن جۇرتشىلىق جىل سايىن كوتەرگەنىمەن، جەرگىلىكتى اتقارۋشى ورگاندار، مينيسترلىكتەر بۇل جاعدايعا تاعى دا دايىن ەمەس دەگەن پىكىر بار. سوندىقتان ماسەلە وتە دۇرىس كوتەرىلىپ جاتىر دەپ ويلايمىن، – دەدى اشىمباەۆ.
”ادىرنا” ۇلتتىق پورتالى
