EXPO تۇرعىن ۇيلەرى پايدالانۋعا بەرىلەدى.

2348
Adyrna.kz Telegram

استانا EXPO اۋماعىنداعى پاركينگى بار ۇيلەر 2018 جىلدىڭ 1 ماۋسىمىنان باستاپ ساتىلىمعا شىعادى، دەپ حابارلايدى  Tengrinews.kz

«بايتەرەك دەۆەلوپمەنت» اق ءباسپاسوز قىزمەتىنىڭ حابارلاۋىنشا، 1 ماۋسىمنان باستام «بايتەرەك» حولدينگىنىڭ ەنشىلەس كومپانياسى «بايتەرەك دەۆەلوپمەنت» استاناداعى EXPO تەرريتورياسىندا ورنالاسقان تۇرعىن ۇيلەردى پايدالانۋعا بەرەدى.

پاتەرلەر مەن پاركينگ نارىق باعاسىمەن ساتىلادى.

«EXPO-2017 حالىقارالىق مامانداندىرىلعان كورمەسى كەزىندە شەتەلدىك دەلەگاتسيالار تۇرۋ ءۇشىن استانادا 2016 جىلى 42 تۇرعىن ءۇي سالىندى. جىلجىمايتىن مۇلىك ۇلتتىق قور مەن جوبالىق كومپانيالاردىڭ ينۆەستيتسيالارىنىڭ ەسەبىنەن سالىندى. ەندى مەملەكەت اقشاسىن قايتارۋ ماقساتىندا، تۇرعىن ۇيلەر ساتىلادى»، - دەدى «بايتەرەك دەۆەلوپمەنت» اق باسقارما توراعاسىنىڭ ورىنباسارى اسقاربەك وسەرباەۆ.

EXPO تۇرعىن ءۇي الابىنداعى پاتەرلەردى كەز كەلگەن ادام قولما-قول اقشا تولەپ جانە ەلىمىزدەگى ەكىنشى دەڭگەيلى بانكتەر نەمەسە «تۇرعىن ءۇي قۇرىلىس جيناق بانكى» اق ارقىلى نەسيە راسىمدەپ الۋعا بولادى.

وسەرباەۆتىڭ ايتۋىنشا، EXPO تۇرعىن ۇيلەرى ساتىلىمىنىڭ ءادىل بولۋى ءۇشىن جىلجىمايتىن مۇلىكتى ساتىپ الۋعا ءوتىنىم Digital Baiterek ونلاين-پلاتفورماسى ارقىلى جۇزەگە اسىرىلادى. قازىرگى تاڭدا اتالعان پلاتفورما ازىرلەنىپ جاتىر.

__________________________________________________________________________________________________________________
baq.kz

 

پىكىرلەر