تارازدىق مۇعالىم وقۋشىلارعا جيرينوۆسكيدىڭ پارتياسىنىڭ اتىنان سىيلىقتار تاراتقان (فوتو)

3779
Adyrna.kz Telegram

پەداگوگ وقۋشىلارعا جيرينوۆسكيدىڭ پارتياسىنىڭ اتىنان سىيلىقتار تاراتقان. بۇل جاعداي ناۋرىز مەرەكەسى قارساڭىندا بولعان، دەپ حابارلايدى “ادىرنا” ۇلتتىق پورتالى ەكسپرەسس-ك سايتىنا سىلتەمە جاساپ.

اتا-انالار ۇستازدىڭ بوتەن ەلدىڭ ساياسي پارتياسى اتىنان سىيلىق تابىستاۋىن تۇسىنبەي وتىر.

وقيعا تارازداعى ءنومىرى 13 مەكتەپتە بولعان ەكەن. مەرەكەگە وراي ۇستاز سىنىپتاعى وقۋشىلارعا ۆلاديمير جيرينوۆسكيدىڭ سۋرەتى بار داپتەرلەر مەن رەسەيدىڭ "لدپر" پارتياسىنىڭ اتى جازىلعان ەرتەگىلەر كىتابىن سىيلاعان.

سونداي-اق، بالالارعا ساياسي پارتيانىڭ قۇتتىقتاۋى جازىلعان تاتتىلەر دە ۇسىنىلعان ەكەن. اتا-انالار مۇعالىمنىڭ بۇل ارەكەتىن تۇسىنبەي وتىر.

وقۋ قۇرالدارىنىڭ سۋرەتىن اعام ءتۇسىرىپ جىبەردى. نە ءۇشىن وسىنداي سىيلىقتار ۇسىنىلعانىن تۇسىنگىسى كەلەدى.

العاشىندا ءبىز ءمان بەرگەن جوقپىز. ەندى نەگە ءدال وسىنداي سىيلىقتار بەرىلگەنىن بىلگىمىز كەلەدى،— دەيدى اقبوتا ەسىمدى تارازدىڭ تۇرعىنى.

”ادىرنا” ۇلتتىق پورتالى

پىكىرلەر