Pedagog oqýshylarǵa Jırınovskııdiń partııasynyń atynan syılyqtar taratqan. Bul jaǵdaı Naýryz merekesi qarsańynda bolǵan, dep habarlaıdy “Adyrna” ulttyq portaly Ekspress-K saıtyna silteme jasap.
Ata-analar ustazdyń bóten eldiń saıası partııasy atynan syılyq tabystaýyn túsinbeı otyr.
Oqıǵa Tarazdaǵy nómiri 13 mektepte bolǵan eken. Merekege oraı ustaz synyptaǵy oqýshylarǵa Vladımır Jırınovskııdiń sýreti bar dápterler men Reseıdiń "LDPR" partııasynyń aty jazylǵan ertegiler kitabyn syılaǵan.
Sondaı-aq, balalarǵa saıası partııanyń quttyqtaýy jazylǵan táttiler de usynylǵan eken. Ata-analar muǵalimniń bul áreketin túsinbeı otyr.
Oqý quraldarynyń sýretin aǵam túsirip jiberdi. Ne úshin osyndaı syılyqtar usynylǵanyn túsingisi keledi.
Alǵashynda biz mán bergen joqpyz. Endi nege dál osyndaı syılyqtar berilgenin bilgimiz keledi,— deıdi Aqbota esimdi Tarazdyń turǵyny.
”Adyrna” ulttyq portaly
