2015 jyldyŋ 26-şy säuırı künı Almaty qalasyndaǧy “İnterkontinental” qonaq üiınde XVII Ūlttyq Olimpiada Komitetınıŋ qūryltaiynda Timur Qūlybaev Ūlttyq Olimpiada Komitetınıŋ prezidentı bolyp taǧaiyndalǧan edı. Keşegı qasırettı qaŋtar oqiǧasynan keiın eks-prezidenttıŋ tuystary bilıkten şettetıle bastaǧany barşaǧa belgılı.
Bıraq Qūlybaev elımızdegı ärtürlı lauazymdardan şettetılgenımen däl osy Ūlttyq Olimpiada Komitetınıŋ Prezidentı qyzmetınen älı künge ketpei otyr.
Prezident Q. Toqaev künı keşe ötken Beijındegı qysqy oiyndar Olimpiadasyna Timur Qūlybaevty alyp barǧan da joq. Onyŋ özınde de bır män bolsa kerek.
Bıraq sol alamanda Qazaqstan tuy jeŋıs tūǧyrynan bırde-bır ret jelbıremedı. Tek sändı formasy ǧana jūrt nazaryna ılıktı desek, artyq aitqandyq emes. Osydan keiın-aq memleket tarapynan Ūlttyq Olimpiada Komitetın qarjylandyru toqtatylsyn degen şeşım şyqty.
Mūnyŋ özı közı qaraqty jūrt tüsınıgınde “Qūlybaev ket!” degen işara retınde qabyldandy. Bıraq ony äste “külşelı küieu bala” tüsıne qoimaǧan tärızdı. Eks-prezidenttıŋ tuystary men sybailastaryna Europa elderı sanksiia saludy qarastyryp jatyr.Olardyŋ bel ortasynda Qūlybaevtyŋ aty da atalady. Endı osyndai damyǧan şeteldık memleketter tarapynan sanksiiaǧa ūşyrap jatqan tūlǧa basqaratyn sporttyq mekeme, qalai qanatyn keŋge jaimaq? Ärı-berıden soŋ, sanksiiaǧa ılıngen tūlǧa qalaişa şekara asyp baryp el sportynyŋ müddesı tūrǧysynan kelıssözder jürgıze alady? Bärınen de bızdı taŋ qaldyratyny - Timur Qūlybaevqa būl mekemenıŋ basşylyǧy ne üşın kerek? Älde “Jaŋa Qazaqstanda” da sport salasyn da sauyn siyrdai qarajat “sauyp” otyrudy közdei me eken? Kım bılsın…
“Adyrna” ūlttyq portaly
Ūqsas jaŋalyqtar
