"قانىشەرلەر، توناۋشىلار، باس كەسەرلەر" - بۋچاداعى ورىستاردىڭ جاۋىزدىعىنا الەم رەاكتسياسى

6140
Adyrna.kz Telegram

3 ناۋرىز كۇنى ۋكراينا پرەزيدەنتى ۆلاديمير زەلەنسكي ورىس باسقىنشىلارىنان ازات ەتىلگەن بۋچا قالاسىنىڭ جاڭا سۋرەتتەرىن جاريالاپ، رەسەيدى گەنوتسيد جاسادى دەپ ايىپتادى. الەم ەلدەرى دە اگرەسسور ەلدىڭ جاۋىزدىعىنا ۇنسىزدىك تانىتپاي، ءار ءتۇرلى رەاكتسيا ءبىلدىردى، دەپ جازادى "ادىرنا" ۇلتتىق پورتالى. 

"قانىشەرلەر، توناۋشىلار، باسكەسەرلەر"

 

ۆلاديمير زەلەنسكي، ۋكراينا پرەزيدەنتى:

زەلەنسكي ورىس انالارىنا ۇندەۋ تاستادى:

- سىزدەر قانداي وڭباعانداردى وسىرگەندەرىڭىزدى قاراڭىزدار! قانىشەرلەر، توناۋشىلار، باسكەسەرلەر»، - دەپ جازدى پرەزيدەنت.

 

بوريس دجونسون، ۇلىبريتانيا پرەمەر-ءمينيسترى: 

 

ء"پۋتيندى قاڭسىراتپايىنشا، تىنىشتالمايمىز!"

ۇلىبريتانيا پرەمەر-ءمينيسترى بوريس دجونسون رەسەيلىك اسكەريلەردىڭ بۋچا مەن يرپەننىڭ بەيبىت تۇرعىندارىنا جاساعان سۇمدىق شابۋىلدارىن ايىپتادى.

«رەسەيدىڭ يرپين مەن بۋچاداعى بەيبىت تۇرعىندارعا جاساعان سۇمدىق شابۋىلدارى پۋتين مەن ونىڭ ارمياسىنىڭ ۋكراينادا اسكەري قىلمىس جاساپ جاتقانىنىڭ تاعى ءبىر دالەلى.

كرەملدىڭ بارلىق ايىپتاردى تەرىسكە شىعارۋى، جالعان اقپاراتى ءبارىمىز بىلەتىن شىندىقتى جاسىرا المايدى: پۋتين شاراسىز كۇيدە وتىر، ونىڭ شاپقىنشىلىعى اتسىزدىككە ۇشىرادى جانە ۋكراينانىڭ شەشىمى ەشقاشان مۇنداتس كۇشتى بولعان ەمەس »، - دەدى دجونسون.

شەنەۋنىك ءپۋتيننىڭ اسكەري ماشيناسىن قانسىراتىپ، ۋكرايناعا جاسالعان قياناتتاردى تەكسەرۋ ءۇشىن قولدان كەلگەننىڭ ءبارىن جاساۋعا ۋادە بەردى.

 

"جاۋىزدار ايەلدەر مەن قىزداردى زورلاپ جاتىر" -  ەلشى

 

مەليندا سيممونس، ۇلىبريتانيانىڭ ۋكرايناداعى ەلشىسى:

ۇلىبريتانيانىڭ ۋكرايناداعى ەلشىسى مەليندا سيممونس ۋاقىتشا باسىپ الىنعان اۋماقتاردا رەسەيلىك جاۋىزداردىڭ ۋكرايندىق ايەلدەر مەن قىزداردى زورلاۋ فاكتىلەرىنە قاتىستى قاتاڭ پىكىر ءبىلدىردى.

«زورلاۋ - سوعىس قارۋى. ءبىز بۇل قارۋدىڭ ۋكراينادا قانشالىقتى قولدانىلعانىن ءالى بىلمەسەك تە، ونىڭ رەسەيلىك ارسەنالدىڭ ءبىر بولىگى بولعانى قازىردىڭ وزىندە انىق بايقالادى. ايەلدەردى بالالارىنىڭ كوزىنشە، قىزداردى وتباسىنىڭ كوزىنشە زورلاپ، قاساقانا قۇلدىققا تۇسىرۋدە. زورلاۋ - سوعىس قىلمىسى»، - دەپ جازدى سيممونس تۆيتتەردە.

 

ء"بىز پۋتينگە قىسىم كورسەتۋدى جالعاستىرامىز" - اقش

 

نەد پرايس، اقش مەملەكەتتىك دەپارتامەنتىنىڭ رەسمي وكىلى:

مەملەكەتتىك دەپارتامەنتتىڭ ءباسپاسوز حاتشىسى نەد پرايس اقش-تىڭ جاقىن ارادا رەسەيگە قاتىستى قوسىمشا شارا قولداناتىنىن ايتتى.

«ءبىز ارقاشان پرەزيدەنت پۋتينگە، كرەملگە، ونىڭ اينالاسىنداعىلاردىڭ بارلىعىنا، سونىڭ ىشىندە كرەمل شيەلەنىسۋىن توقتاتىپ، زورلىق-زومبىلىق ازايىپ، مۇنداي قيانات توقتامايىنشا ۋكرايناعا قارسى سوعىستى كۇشەيتىپ جاتقان وليگارحتار مەن قولشوقپارلارعا قىسىم كورسەتۋدى جالعاستىرامىز دەپ ايتىپ كەلدىك. سوندىقتان ءسىز جاقىندا قوسىمشا قىسىم كورەسىز دەپ كۇدىكتەنەمىن", — دەدى ول MSNBC ەفيرىندە.

 

ء"بىز مۇنداي قاتىگەزدىكتى ونداعان جىلدار بويى كورمەدىك" - ناتو

 

يەنس ستولتەنبەرگ، ناتو-نىڭ باس حاتشىسى:

ناتو باس حاتشىسى يەنس ستولتەنبەرگ CNN ارناسىنا بەرگەن سۇحباتىندا بۋچاداعى بەيبىت تۇرعىنداردىڭ ءولىمىن ءتىپتى «قابىلداۋعا كەلمەيدى" دەپ اتادى.

ءبىز ەۋروپادا بەيبىت تۇرعىندارعا مۇنداي قاتىگەزدىكتى ونداعان جىلدار بويى كورمەدىك. بۇل سوعىستى توقتاتۋدىڭ ماڭىزدىلىعىن كورسەتەدى»، - دەدى ول.

 

" ءبىز رەسەيگە قارسى سانكتسيالاردى كۇشەيتەمىز" - گەرمانيا

 

اننا لەنا بەربوك، گەرمانيانىڭ سىرتقى ىستەر ءمينيسترى: 

گەرمانيانىڭ سىرتقى ىستەر ءمينيسترى اننا لەنا بەربوك ۋكرايناداعى فاشيستەردىڭ ادامگەرشىلىككە جاتپايتىن ارەكەتتەرىن قاتاڭ ايىپتادى.

"بۋچاداعى فوتولار ادام توزگىسىز. ءپۋتيننىڭ شەكسىز زورلىق-زومبىلىعى جازىقسىز وتباسىلاردى بۇزادى جانە ونىڭ شەكاراسى جوق. وسى اسكەري قىلمىستارعا كىنالىلەر جاۋاپقا تارتىلۋى كەرەك. ءبىز رەسەيگە قارسى سانكتسيالاردى كۇشەيتىپ، ۋكراينانى قورعانىستا ودان ءارى قولدايمىز".، دەپ جازدى ول Twitter-دە.

 

"ادام توزگىسىز سۋرەتتەر" - فرانتسيا 

 

ەممانۋەل ماكرون، فرانتسيا پرەزيدەنتى:

"كيەۆ ماڭىنداعى ازات ەتىلگەن قالا بۋچيدەن بىزگە جەتكەن سۋرەتتەر ادام توزگىسىز. كوشەدە جۇزدەگەن بەيبىت تۇرعىندار قازا تاپتى. زارداپ شەككەندەردىڭ بارلىعىنا قايعىرىپ كوڭىل ايتامىن، ۋكرايندىقتارعا ىنتىماق تىلەيمىن. رەسەي بيلىگى بۇل قىلمىستار ءۇشىن جاۋاپ بەرۋگە ءماجبۇر بولادى", - دەپ جازدى فرانتسيا پرەزيدەنتى ەممانۋەل ماكرون Twitter-دە.

 

"بەيبىت حالىقتى جۇيەلى تۇردە ءولتىرۋ" — چەحيا

 

چەحيا سىرتقى ىستەر مينيسترلىگى: 

چەحيا سىرتقى ىستەر مينيسترلىگى رەسەيلىكتەر ۋكراينانىڭ بەيبىت تۇرعىندارىن جۇيەلى تۇردە قىرىپ جاتقانىن، ول ءۇشىن ءاربىر كىنالى جاۋاپقا تارتىلۋى كەرەك ەكەنىن اتاپ ءوتتى.

- قاشىپ بارا جاتقان ورىس اسكەرى جاساعان بەيبىت حالىقتى جۇيەلى تۇردە ءولتىرۋ - ءپۋتيننىڭ رەجيمى جاساعان تاعى ءبىر جيىركەنىشتى اسكەري قىلمىس. چەحيا وداقتاستارىمەن بىرگە ادىلەتتىلىككە ۇمتىلادى، ويتكەنى كىنالىلەر جاۋاپقا تارتىلۋى كەرەك", — دەپ جازادى چەحيا ءسىم Twitter-دە.

 

"جان تۇرشىگەرلىك جانە ادام توزگىسىز قايعىلى كىسى ولتىرۋشىلىك" - نيدەرلاندى

 

ۆوپكە حۋكسترا، نيدەرلاند سىرتقى ىستەر ءمينيسترى: 

نيدەرلاند سىرتقى ىستەر ءمينيسترى ۆوپكە حۋكسترا بۋچا مەن ۋكراينانىڭ باسقا قالالارىندا ادامزاتقا قارسى قىلمىس جاساعانى ءۇشىن كىنالى رەسەيلىك باسقىنشىلاردى جاۋاپقا تارتۋعا شاقىردى.

"بۋچادا جازىقسىز ۋكراين ازاماتتاردىڭ ءولتىرىلۋى جان تۇرشىگەرلىك جانە ادام توزگىسىز قايعىلى. اسكەري قىلمىس جاساعان كىنالىلەر جاۋاپقا تارتىلادى»، - دەدى حۋكسترا.

نيدەرلاند مەملەكەتى دالەلدەمەلەردى جيناۋعا، سونداي-اق رەسەي فەدەراتسياسىنىڭ جاۋىزدىعىن تەرگەۋگە جان-جاقتى ۇلەس قوسۋعا نيەتتەنىپ وتىر. 

"ادىرنا" ۇلتتىق پورتالى

پىكىرلەر