AMANAT پارتياسىنىڭ اتقارۋشى حاتشىسى اسحات ورالوۆ مەملەكەت باسشىسى – پارتيا توراعاسى قاسىم-جومارت توقاەۆتىڭ جولداۋىن تالقىلاۋ ءۇشىن بارلىق وڭىردەگى پارتيا اكتيۆىمەن بەينەكونفەرەنتسيا بايلانىسى ارقىلى كەڭەس وتكىزدى.
كەزدەسۋ بارىسىندا اسحات ورالوۆ پرەزيدەنتتىڭ رەفورمالارى مەن باعىتىن قولدايتىن AMANAT پارتياسىنىڭ مالىمدەمەسىن جاريالادى.
مالىمدەمەدە بيىل قاسىرەتتى قاڭتار وقيعاسىن باستان كەشكەن قازاقستان حالقى سىن ساعاتتا جۇدىرىقتاي جۇمىلىپ، راديكاليزم مەن ەكسترەميزمدى قولداماي، پروگرەسس پەن يگى وزگەرىستەر جالعاسىن تابۋىن قالاعانى ايتىلدى.
«ەلىمىز دامۋدىڭ جاڭا كەزەڭىنە – جاڭا قازاقستانعا اياق باستى. بۇل ءبىزدىڭ سان عاسىرلىق تەرەڭ تاريحىمىزداعى بەتبۇرىستى جانە تاعدىرشەشتى ءسات. مۇنداي جاعدايدا سىندارلى وزگەرىستەر مەن ەۆوليۋتسيالىق جاڭعىرۋ عانا قيىندىقتاردى ەڭسەرىپ، ەلىمىزدىڭ تۇراقتى دامۋىن قامتاماسىز ەتەدى. ەل مەن حالىق الدىندا تاريحي جاۋاپكەرشىلىك العان پرەزيدەنت قازاقستان حالقىنا جولداۋىن جاريالاپ، ەلىمىزدى ساياسي، ەكونوميكالىق جانە الەۋمەتتىك تۇرعىدا رەفورمالاۋدى تەرەڭدەتۋگە باعىتتالعان اۋقىمدى رەفورمالار جوسپارىن ۇسىندى», - دەدى اتقارۋشى حاتشى.
ول اMاNات پارتياسى پرەزيدەنتتىڭ جۇيەلى جانە كەڭ اۋقىمدى رەفورمالارىن تولىعىمەن قولدايتىنىن اتاپ ءوتتى. وسىلايشا، مەملەكەت باسشىسىنىڭ رەفورمالارى اياسىندا پارتيا وزگەرىستەردى وزىنەن باستاپ، ىشكى ترانسفورماتسيانى قولعا الدى.
«ءبىز رەفورمالار باعىتىنا بالاما جوق ەكەنىنە سەنىمدىمىز. ساياسي ليبەراليزاتسيا جانە الەۋمەتتىك ادىلەتتىلىك – بۇل ازاماتتاردىڭ وتىنىشتەرىنە دەر كەزىندە بەرىلگەن جاۋاپ. ءبىز بارشا قازاقستاندىقتاردى بىرلىك پەن ىنتىماققا، بارلىق قوعامدىق-ساياسي كۇشتەردى توپتاسۋعا شاقىرامىز. ءبىزدىڭ بىرلىگىمىز نىعايعاندا عانا تاۋەلسىزدىك پەن مەملەكەتتىلىكتى بەرىك ەتىپ، ورتاق وتانىمىز بەن بارلىق ازاماتتاردىڭ ءال-اۋقاتىن ارتتىرا الامىز!», - دەپ اتاپ ءوتتى اسحات ورالوۆ.
رەسپۋبليكالىق جيىن بارىسىندا بۇگىن مەملەكەت باسشىسىنىڭ جولداۋىندا ايتىلعان شارالاردى ىسكە اسىرۋعا قاتىستى بىرقاتار ناقتى تاپسىرمالار بەرىلدى.
سونداي-اق بەينەكونفەرەنتسيا بايلانىسى ارقىلى وتكەن جيىندا باتىس قازاقستان، قاراعاندى وبلىستىق فيليالدارىنىڭ اتقارۋشى حاتشىلارى مۇرات مۇقاەۆ پەن بەكزات التىنبەكوۆ, الماتى وبلىستىق فيليالىنىڭ اتقارۋشى حاتشىسى گۇلنار تويلىباەۆا, شىمكەنت قالالىق فيليالىنىڭ اتقارۋشى حاتشىسى جانار بەكتاەۆا جانە شىعىس قازاقستان وبلىستىق فيليالى اتقارۋشى حاتشىسىنىڭ ورىنباسارى ايگۇل بايجانوۆا ءسوز سويلەدى. ولار پرەزيدەنت جۇيەلى پروبلەمالارمەن كۇرەسۋدىڭ ناقتى ءتيىمدى تەتىكتەرىن ۇسىنعانىن اتاپ ءوتتى. مەملەكەت باسشىسىنىڭ ساياسي باستامالارى ەلدى ودان ءارى دامىتۋ جانە قوعامدىق كەلىسىمدى نىعايتۋ ءۇشىن وزگەرىستەر جاساۋدىڭ ماڭىزدى ءارى وزەكتى ەكەنىن كورسەتەدى.
