AMANAT partııasynyń Atqarýshy hatshysy Ashat Oralov Memleket basshysy – Partııa Tóraǵasy Qasym-Jomart Toqaevtyń Joldaýyn talqylaý úshin barlyq óńirdegi partııa aktıvimen beınekonferenııa baılanysy arqyly keńes ótkizdi.
Kezdesý barysynda Ashat Oralov Prezıdenttiń reformalary men baǵytyn qoldaıtyn AMANAT partııasynyń málimdemesin jarııalady.
Málimdemede bıyl qasiretti qańtar oqıǵasyn bastan keshken Qazaqstan halqy syn saǵatta judyryqtaı jumylyp, radıkalızm men ekstremızmdi qoldamaı, progress pen ıgi ózgerister jalǵasyn tabýyn qalaǵany aıtyldy.
«Elimiz damýdyń jańa kezeńine – Jańa Qazaqstanǵa aıaq basty. Bul bizdiń san ǵasyrlyq tereń tarıhymyzdaǵy betburysty jáne taǵdyrsheshti sát. Mundaı jaǵdaıda syndarly ózgerister men evolıýııalyq jańǵyrý ǵana qıyndyqtardy eńserip, elimizdiń turaqty damýyn qamtamasyz etedi. El men halyq aldynda tarıhı jaýapkershilik alǵan Prezıdent Qazaqstan halqyna Joldaýyn jarııalap, elimizdi saıası, ekonomıkalyq jáne áleýmettik turǵyda reformalaýdy tereńdetýge baǵyttalǵan aýqymdy reformalar josparyn usyndy», - dedi Atqarýshy hatshy.
Ol AMANAT partııasy Prezıdenttiń júıeli jáne keń aýqymdy reformalaryn tolyǵymen qoldaıtynyn atap ótti. Osylaısha, Memleket basshysynyń reformalary aıasynda partııa ózgeristerdi ózinen bastap, ishki transformaııany qolǵa aldy.
«Biz reformalar baǵytyna balama joq ekenine senimdimiz. Saıası lıberalızaııa jáne áleýmettik ádilettilik – bul azamattardyń ótinishterine der kezinde berilgen jaýap. Biz barsha qazaqstandyqtardy birlik pen yntymaqqa, barlyq qoǵamdyq-saıası kúshterdi toptasýǵa shaqyramyz. Bizdiń birligimiz nyǵaıǵanda ǵana Táýelsizdik pen Memlekettilikti berik etip, ortaq Otanymyz ben barlyq azamattardyń ál-aýqatyn arttyra alamyz!», - dep atap ótti Ashat Oralov.
Respýblıkalyq jıyn barysynda búgin Memleket basshysynyń Joldaýynda aıtylǵan sharalardy iske asyrýǵa qatysty birqatar naqty tapsyrmalar berildi.
Sondaı-aq beınekonferenııa baılanysy arqyly ótken jıynda Batys Qazaqstan, Qaraǵandy oblystyq fılıaldarynyń atqarýshy hatshylary Murat Muqaev pen Bekzat Altynbekov, Almaty oblystyq fılıalynyń atqarýshy hatshysy Gúlnár Toılybaeva, Shymkent qalalyq fılıalynyń atqarýshy hatshysy Janar Bektaeva jáne Shyǵys Qazaqstan oblystyq fılıaly atqarýshy hatshysynyń orynbasary Aıgúl Baıjanova sóz sóıledi. Olar Prezıdent júıeli problemalarmen kúresýdiń naqty tıimdi tetikterin usynǵanyn atap ótti. Memleket basshysynyń saıası bastamalary eldi odan ári damytý jáne qoǵamdyq kelisimdi nyǵaıtý úshin ózgerister jasaýdyń mańyzdy ári ózekti ekenin kórsetedi.
