Almaty oblysy qalaı bólinetini belgili boldy

2252
Adyrna.kz Telegram
Foto: ashyq derekkózderden
Foto: ashyq derekkózderden

Almaty oblysynyń ákimi Qanat Bozymbaev oblys qalaı bólinetinin túsindirdi.Búgin Taldyqorǵanda Almaty oblystyq máslıhatynyń kezekten tys XVI sessııasy ótti. Oblystyq máslıhat hatshysy Janbolat Jorgenbaevtyń tóraǵalyǵymen ótken otyrystyń kún tártibine tórt másele qaralǵan. Onyń ishinde búginde ózekti bolyp otyrǵan másele - Jetisý oblysyn qurý arqyly Almaty oblysyn bólý. Osy másele boıynsha oblys ákimi Qanat Bozymbaev depýtattar aldynda sóz sóıledi. 

"Almaty oblysynyń ortalyǵy Taldyqorǵan jáne Jetisý oblysynyń ortalyǵy Qonaev qalasy bolyp bólinýi eki óńir damýyna serpin beredi. Qurylaıyn dep jatqan Jetisý oblysynyń aımaǵyna 8 aýdan, 2 qala men 352 aýyldyq okrýgbolsa, Almaty oblysynyń quramynda 9 aýdan, 1 qala men 380 aýyldyq okrýgbolady. Biz Prezıdenttiń ákimshilik-aýmaqtyq qurylym týraly Jarlyǵyn qabyldaý jónindegi is-qımyl algorıtmin daıyndadyq", - dedi oblys ákimi.

Bozymbaevtyń sózinshe, oblysty bólý jónindegi jumys komıssııasy quryldy, oǵan oblystyq basqarmalar men aýmaqtyq organdardyń tıisti basshylary kirdi.

Eske salaıyq, 16 naýryzda Qazaqstan halqyna joldaýynda Almaty oblysyn ekige bólýdi usynǵan bolatyn.

"Almaty aglomeraııasyna qatysty túıtkilder kóp. Oblys turǵyndary negizinen qala tóńiregine shoǵyrlanǵan. Uzynaǵashtaǵy nemese Talǵardaǵy máseleni sonaý Taldyqorǵanda otyryp sheshý ońaı emes. Oblys ortalyǵyna barý úshin halyqtyń alysqa sabylýyna týra keledi. Osy jáne basqa da jaıttardy eskere otyryp, Almaty oblysyn ekige bólýdi usynamyn.

Bul óńirde Jetisý jáne Almaty oblystary qurylady. Almaty oblysynyń ortalyǵy Qapshaǵaıda bolýy kerek. Al, Jetisý oblysynyń ortalyǵy Taldyqorǵanda ornalasady. Bul qadamdar aımaqtardy damytý isine tyń serpin beredi dep sanaımyn", - degen edi Prezıdent.

Pikirler