قوعامدىق دەنساۋلىق ساقتاۋ ۇلتتىق ورتالىعىنىڭ دەرەگىنشە، قازاقستاندىقتاردىڭ 20 %-ى سەمىزدىككە شالدىققان. مۇنداي سەمىزدىكتىڭ ءبىر سالدارى - ەتتى شەكتەۋسىز جەۋ دەيدى نۋتريتسيولوگ، قازاق تاعامدانۋ اكادەمياسىنىڭ پرەزيدەنتى تورەگەلدى شارمانوۆ.
“ەت جەۋ وسى ەكەن دەپ شەكتەۋسىز، تاڭداۋسىز كەز كەلگەن ەتتى پايدالانا بەرۋ دەنساۋلىعىمىزدى ناشارلاتپاسا، نىعايتپايدى. راس، اتا-بابامىزدىڭ تاباعى ەتتەن، مۇرتى مايدان اجىراماعان دەرسىز. بىراق اتا-بابامىزدىڭ ءومىر ءسۇرۋ سالتى قانداي ەدى؟ ەرتەلى-كەش شارۋانىڭ سوڭىندا ءجۇردى ەمەس پە؟”، - دەپ جازدى قازاق تاعامتانۋ اكادەمياسىنىڭ پرەزيدەنتى ءوزىنىڭ Facebook پاراقشاسىنا.
عالىمنىڭ ايتۋىنشا، كەڭسە جۇمىسى، تەحيكا مەن تەحنولوگيا زامانىندا استىڭ قورىتىلۋى قيىن.
“ال بۇگىنگى ۇرپاقتىڭ ءومىر ءسۇرۋ سالتى قانداي؟ قازىرگى زامان قيمىل-قوزعالىسى از كەڭسە جۇمىسى، تەحنيكا مەن تەحنولوگيا زامانى عوي. ءتىپتى جاياۋ جۇرەتىن جۇرت جوق. جەگەنىڭىز قاي كەزدە قورىتىلىپ، قاي كەزدە اعزاڭىزعا سىڭەدى؟ وسىدان سەمىزدىك، اتەروسكلەروز سىندى اۋرۋلار بەلەڭ الىپ بارادى”،- دەلىنگەن جازبادا.
“ادىرنا” ۇلتتىق پورتالى