Qoǵamdyq densaýlyq saqtaý ulttyq ortalyǵynyń dereginshe, qazaqstandyqtardyń 20 %-y semizdikke shaldyqqan. Mundaı semizdiktiń bir saldary - etti shekteýsiz jeý deıdi nýtrııolog, Qazaq taǵamdaný akademııasynyń prezıdenti Tóregeldi Sharmanov.
“Et jeý osy eken dep shekteýsiz, tańdaýsyz kez kelgen etti paıdalana berý densaýlyǵymyzdy nasharlatpasa, nyǵaıtpaıdy. Ras, ata-babamyzdyń tabaǵy etten, murty maıdan ajyramaǵan dersiz. Biraq ata-babamyzdyń ómir súrý salty qandaı edi? Erteli-kesh sharýanyń sońynda júrdi emes pe?”, - dep jazdy Qazaq taǵamtaný akademııasynyń prezıdenti óziniń Facebook paraqshasyna.
Ǵalymnyń aıtýynsha, keńse jumysy, tehıka men tehnologııa zamanynda astyń qorytylýy qıyn.
“Al búgingi urpaqtyń ómir súrý salty qandaı? Qazirgi zaman qımyl-qozǵalysy az keńse jumysy, tehnıka men tehnologııa zamany ǵoı. Tipti jaıaý júretin jurt joq. Jegenińiz qaı kezde qorytylyp, qaı kezde aǵzańyzǵa sińedi? Osydan semizdik, ateroskleroz syndy aýrýlar beleń alyp barady”,- delingen jazbada.
“Adyrna” ulttyq portaly
