باس ءمۇفتي ناۋرىزباي قاجى "قاڭتار قىرعىنى" كەزىندە دۋبايدا بولعانىن مويىندادى (ۆيدەو)

3513
Adyrna.kz Telegram

باس ءمۇفتي "قاڭتار قىرعىنى" كەزىندە ساۋد ارابياسىنا كەتىپ قالعانىن مويىندادى. بۇل تۋرالى جۋرناليست وراز الىمبەك ءوزىنىڭ فەيسبۋكتەگى پاراقشاسىندا جازدى، دەپ حابارلايدى "ادىرنا" ۇلتتىق پورتالى. 

"مولدالار تاعى دا وتىرىكتى سوعىپ جىبەردى. باس ءمۇفتي ناۋرىزباي وتپەنوۆ "قاڭتار قىرعىنى" كەزىندە جاماعاتتى تاعدىر تالكەگىنە تاستاپ ساۋد ارابياسىنا كەتىپ قالعانىن مويىندادى. بىراق دۋبايدا بولعانىن، ول جاققا كىمنىڭ ۇشاعىمەن بارعانىن ايتقىسى كەلمەدى. ءمۇفتيات "زەكەت قورىنا" قاتىستى سۇراققا دا ماردىمدى جاۋاپ بەرمەدى. قور باسشىلارى تۋىستارى مەن تانىستارىنىڭ اربىرىنە 200 مىڭنان 400 مىڭعا دەيىن جاردەماقى جازىپ قويعانى قۇجات بويىنشا دالەلدەنىپ ەدى عوي. ءمۇفتيات سول اقشانى قورعا كەرى قايتاردى ما؟ الدە، ۇستاعاننىڭ قولىندا، تىستەگەننىڭ اۋزىندا كەتە بەرە مە؟ قور باسشىلارىنا قانداي جازا قولداندى؟ بۇعان دا جاۋاپ جوق. ودان كەيىن، ءباسپاسوز ءماسليحاتىن جاسادىڭ با، وندا جۋرناليستەردىڭ بارلىق سۇراعىنا جاۋاپ بەر! "بۇل سۇراق تاقىرىپتان تىس" دەپ قاقپايلاۋدى قويۋ كەرەك. بەرىلگەن سۇراقتىڭ ءبارى مۇفتياتقا قاتىستى. جاۋاپ بەرگىڭ كەلمەي مە، وندا ءباسپاسوز ءماسليحاتىن وتكىزىپ نەڭ بار، بۇرىنعى ادەتتى جالعاستىرىپ شاپانىڭمەن بۇركەنىپ ءمۇفتياتتان شىقپاي ومالىپ وتىرا بەرمەيسىڭ بە؟!", - دەپ جازدى وراز الىمبەك.

"ادىرنا" ۇلتتىق پورتالى 

پىكىرلەر