Bas múftı "Qańtar qyrǵyny" kezinde Saýd Arabııasyna ketip qalǵanyn moıyndady. Bul týraly jýrnalıst Oraz Álimbek óziniń feısbýktegi paraqshasynda jazdy, dep habarlaıdy "Adyrna" ulttyq portaly.
"Moldalar taǵy da ótirikti soǵyp jiberdi. Bas múftı Naýryzbaı Ótpenov "Qańtar qyrǵyny" kezinde jamaǵatty taǵdyr tálkegine tastap Saýd Arabııasyna ketip qalǵanyn moıyndady. Biraq Dýbaıda bolǵanyn, ol jaqqa kimniń ushaǵymen barǵanyn aıtqysy kelmedi. Múftııat "Zeket qoryna" qatysty suraqqa da mardymdy jaýap bermedi. Qor basshylary týystary men tanystarynyń árbirine 200 myńnan 400 myńǵa deıin járdemaqy jazyp qoıǵany qujat boıynsha dáleldenip edi ǵoı. Múftııat sol aqshany qorǵa keri qaıtardy ma? Álde, ustaǵannyń qolynda, tistegenniń aýzynda kete bere me? Qor basshylaryna qandaı jaza qoldandy? Buǵan da jaýap joq. Odan keıin, baspasóz máslıhatyn jasadyń ba, onda jýrnalısterdiń barlyq suraǵyna jaýap ber! "Bul suraq taqyryptan tys" dep qaqpaılaýdy qoıý kerek. Berilgen suraqtyń bári múftııatqa qatysty. Jaýap bergiń kelmeı me, onda baspasóz máslıhatyn ótkizip neń bar, burynǵy ádetti jalǵastyryp shapanyńmen búrkenip múftııattan shyqpaı omalyp otyra bermeısiń be?!", - dep jazdy Oraz Álimbek.
"Adyrna" ulttyq portaly
