رەسەي بۇدان بىلاي كەلىسسوزدەر بارىسىندا ۋكراينانى «دەناتسيفيكاتسيالاۋدى» تالاپ ەتپەيدى جانە ۋكراينا بەيتاراپ ستاتۋسقا يە بولسا، ەلدىڭ ەۋروپالىق وداققا كىرۋىمەن كەلىسۋگە دايىن. بۇل تۋرالى Financial Times جازدى، دەپ حابارلايدى «ادىرنا» ءتىلشىسى.
«ماسكەۋ مەن كيەۆ قاقتىعىستى شەشۋدىڭ نۇسقالارىن تالقىلاپ جاتىر، ونىڭ ىشىندە ۋكراينانىڭ قاۋىپسىزدىك كەپىلدىگى مەن ەۋروپالىق وداققا كىرۋ مۇمكىندىگىنە ايىرباس رەتىندە ناتو-عا كىرۋدەن باس تارتۋى بار»،– دەپ جازدى باسىلىم.
بەيرەسمي دەرەكتەرگە سۇيەنسەك،
كەلىسىم جوباسىندا رەسەيدىڭ العاشقى ءۇش تالابى جوق: «دەميليتاريزاتسيا»، «دەناتسيفيكاتسيا» جانە ۋكرايناداعى ورىس ءتىلىن قورعاۋ.
گازەت ۋكراينا مەن ونىڭ باتىس وداقتاستارى رەسەي پرەزيدەنتى ۆلاديمير ءپۋتيننىڭ نيەتىنە ءالى دە كۇمانمەن قارايتىنىن اتاپ ءوتتى.
