“قايرات ساتىبالدىنىڭ وفيسىنەن شىقپايتىندار نەگە ۇندەمەيدى؟” - تالعات رىسقۇلبەك

6834
Adyrna.kz Telegram
"قايرات ساتىبالدىنى ۋاقىتشا تەرگەۋ يزولياتورىنا قاماعان ساتتەن باستاپ، اشەيىندە وفيسىنەن شىقپايتىندار نەگە ۇندەمەي وتىر؟" بۇل پىكىردى جەلتوقسان كوتەرىلىسىنىڭ قاھارمانى قايرات رىسقۇلبەكوۆتىڭ تۋعان ءىنىسى تالعات رىسقۇلبەكوۆ ءوز فەيسبۋك پاراقشاسىندا قالدىردى، دەپ حابارلايدى "ادىرنا" ۇلتتىق پورتالى. 
"اللاھ رازىلىعى ءۇشىن، بۇگىن ءبارىمىز تاھاجۋد نامازىنا تۇرىپ، قايرات ساتىبالدىعا دۇعا جاسايىق! قايرات ساتىبالدىنى ۋاقىتشا تەرگەۋ يزولياتورىنا قاماعان ساتتەن باستاپ، اشەيىندە وفيسىنەن شىقپايتىن بيزنەسمەندەرى بار، يمامى بار، يۆانى بار، نامازحانى بار، بەينامازى بار، ءارتىسى مەن ءانشىسى بار، ءجازۋشى/جۋرناليستى بار، ءبارى-ءبارى تىم-تىراقاي جوق بولعانى تۇسىنىكتى جاعداي دەيىك. ياعني "پەندەشىلىك-ەست پەندەشىلىك" دەيىك-اق... بىراق، الەۋمەتتىك جەلىدە سولاردىڭ ءبىرى نەگە ىزدەپ، نە بولماسا وسىنداي-وسىنداي جاقسىلىعىن كورىپ ەدىك. جاڭا باستاپ، تۇرىپ قالعان ءۇيىمدى بىتىرۋگە، جوق جەردەن مەشىت سالۋعا، بالامنىڭ وقۋىنا ت.ب. تولىپ جاتقان كومەكتەسكەن ادامگەرشىلىگىن نەگە ايتپايدى دەيمىن دە... ءتىپتى، مەملەكەتتىك دەڭگەيدە عانا ەمەس، ۇلتتىق سپورتتى الەمدىك دەڭگەيگە دەيىن كوتەرگەنىنىڭ ءوزى نە تۇرادى", - دەپ جازدى قوعام بەلسەندىسى.
سونىمەن قاتار قوعام بەلسەندىسى بۇل جازبانى جازۋدا ەشكىمنەن ەشقانداي "تاپسىرما" الماعانىن باسا ايتتى.
"اللاھپەن انت ەتەمىن! بۇل جازبام بەكبولات تىلەۋحان نەمەسە باسقا دا بىرەۋلەردىڭ زاكازى ەمەس، ءوزىمنىڭ مۇسىلماندىق ءارى ادامگەرشىلىك مىندەتىم. مەن، ولارعا قاراعاندا، نازارباەۆتاردان ەشتەڭە العان ەمەسپىن دە، بيلىكتە وتىرعاندارىندا ەشقاشان قارسى دا كەلگەن ەمەسپىن. كەرىسىنشە ەل تىنىشتىعى ءۇشىن، قاشاندا بارىنشا بالە ىزدەگەندەرگە باسۋ ايتىپ، تۇسىنبەگەندەرگە قاتۋ ايتىپ، ءجاي كەزدە بولسا، ىلعي دا دۇعادا بولعانمىن. ويتكەنى باۋىرىم قايرات رىسقۇلبەكوۆ قۇربان بولعان بۇل تاۋەلسىزدىك، مەن ءۇشىن ميللياردتاعان تەڭگەلەردەن دە قىمبات دەپ سانايمىن. تەم بولەە باستارىنا ءىس تۇسكەندە، كەيبىرەۋلەر سياقتى "قۇلاعىندا قۇرباقا بولمايمىن". اللاھتىڭ قالاۋىمەن قايرات تا، سامات تا، وسى سىناقتان ءوتىپ كۇندەردىڭ كۇنىندە پرەزيدەنت بوپ كەلسە، كورەر ەم قالاي سايراعاندارىڭدى. قازىر اتقا ءمىنىپ، "اسىرا سىلتەۋ بولماسىن، اشا تۇياق قالماسىن" -دەپ سوڭدارىنان شام الىپ تۇسكەندەرىڭ ءتۇپتىن-ءتۇبى، توقاەۆ كەتسە دە ارتىنان ءبىر ۋىس توپىراق شاشارسىڭدار. وعان دەيىن، قايرات ساتىبالدى كومەكتەسكەن مىڭداعان كەدەي-كەپشىكتىڭ دۇعاسىنان امان قالساڭدار ارينە. ويتكەنى، قايرات ساتىبالدى مىسالى ءجۇز ميلليون دوللارى بولسا، باسقا وتكەندە توقاەۆ جيناعان 150 ميلليونەرلەرگە قاراعاندا قۇدايدىڭ بۇيىرعان زەكەتى رەتىندە، كەدەي-كەپشىككە سونىڭ 2,5% ياعني جىلدا 2.5 ملن $ تاراتادى. بۇل دەگەن، 150 بيزنەسمەندى دە زەكەت بەرۋگە ۇندەسە، 375 ملن $ دەگەن ءسوز. ءبىر باسپانا 37.5 مىڭ $ تۇرعاندا، جىلىنا 10 مىڭ ادام باسپانالى بولادى دەگەن ءسوز. مىنە ساعان قاراپايىم عانا اللاھتىڭ يسلام ءدىنىنىڭ كەرەمەتى!", - دەدى ول.
تالعات رىسقۇلبەكوۆ قايرات ساتىبالدىدان باسقا ميلليونەرلەردى دە قاماۋعا الىڭدار دەپ ۇندەۋ تاستادى.
"قايرات ساتىبالدىنى كوورۋپتسيامەن قامادىڭدار ما، اناۋ 150 ميلليونەر بيزنەسمەننىڭ 140 قا جۋىعىن، جانە گوسسلۋجاششي بوپ ءجۇرىپ "فوربستە" جۇرگەن جۇزدەگەن شەنەۋىكتى دە قاماڭدار.ويتكەنى قايسىسى حوتيا بى ءبىر ءتىس شۇقيتىن تسەح اشىپ بايىپتى دەيسىڭ... قازىرگى توقاەۆتىڭ قاسىنداعى "دانىشپاندار", اناۋ قۇلقىندارىڭ امان بولسا، 2-3 جىلدا جاريا، جاسىرىن، "فوربس" جۋرنالىنداعى تىزىمگە سەندەر دە ىلىگىپ قالارسىڭدار. تاستاڭدار، ەگولارىڭدى نەمەسە، شايتان تۇرتكەن ناپسىلەرىڭدى! ءتۇبى، بۇل دۇنيەدە دە، احىرەتتە دە ءبارىڭ، بارىنە جاۋاپ بەرەسىڭدەر. ءتىپتى، ءبىر ساباق جىپتەرىڭە دەيىن. ال، قايرات ساتىبالدىنىڭ ناماز وقىعانىنا بولا ءتيىسىپ جاتساڭدار، وندا ۆووبششە ءبىتتىم دەي بەرىڭدەر. ويتكەنى، دىنگە قايتا-قايتا تيىسكەندەرىڭدى، بالالارىڭمەن جازالايمىن..!،-دەگەن اللاھتىڭ ۋادەسى بار. جەلتوقسانكوتەرىلىسىندە باۋىرىم قايراتقا اتۋ جازاسىن بەرگەندە، بۇكىل قازاق بەس جارىم جىل بويى رىسقۇلبەكتەر اۋلەتىنەن (جاقىن 3 جانۇيا تۋىستارىمىزدان باسقاسى), سىرت اينالعان ەدى", - دەپ مالىمدەدى قوعام بەلسەندىسى.
قايرات رىسقۇلبەكوۆتىڭ ءىنىسى وسى ۋاقىتقا دەيىن بيلىكتەن دە، وزگەدەن دە ەش كومەك سۇراپ كورمەگەنىن ايتتى.
"بەس جارىم جىل قوعامنان يزوليروۆاننىي ءومىر سۇردىك. ەشكىمگە جىلاپ-سىقتاپ مۇڭىمىزدى شاققان دا جوقپىز. سابىر ەتتىك. قايراتتىڭ سوتىنان كەيىن زووتەحنيك بولىپ ىستەپ جۇرگەن اكەمدى دە، مال باسى كەم دەگەن سىلتاۋمەن، 3.5 جىلعا سوتتاپ جىبەردى. مەنى وقۋدان شىعاردى. ءسويتىپ 87 جىلى مايدا اسكەرگە كەتتىم. اعامدى جۇمىستان شىعاردى. اقىر اكەم، ىشتەي جەگەن ۋايىم اسەر ەتكەن بولۋ كەرەك، 53 جاسىندا قايتىس بولدى. ايتا بەرسەك، قازىرگى شوپكەتىشارلار مەن نەبىر "شىبىق تيمەي شىڭق ەتەرلەرگە" قاراعاندا، ءبىز، بۇكىل رىسقۇلبەكوۆتار، اۋلەتىمىزبەن ۇلكەن سابىرلىق تانىتتىق. اللاھتىڭ قالاۋىمەن ءالى دە تانىتىپ كەلەمىز. مەنىڭ تاڭعالاتىنىم، وسىندا وتىرعانداردىڭ كەيبىرەۋى سول مەملەكەتتەن قىزمەت، تەندر، نەشە ءتۇرلى زاكاز-جوبا دا ت.ب. نەشەتۇرلى پوددەرجكا الىپ وتىرادى دا، كەيبىرەۋى، ءتىپتى ەلباسى توڭىرەگىمەن جاقىن ارالاسقان دا. مىسالى، دينانىڭ بايىن ايتپاعاندا، سەرىك اباس شاح سياقتىلار داريعانىڭ قاي جاعىنان قالاي كىرىپ، قالاي شىققانىن ءوزى بىلەر...، سويتە تۇرا ازۋلارىن ايعا بىلەپ، جۇيەنى، سولاردى، جاتىپ كەپ جامانداپ، اۋىزدارىنان اق يت كىرىپ، كوك يت شىعىپ سىبايتىندارىن قايتەرسىڭ....", - دەپ نالىدى ول.
ەل تىنىشتىعى ءۇشىن تەگىن قىزمەت ەتۋگە دايىن ەكەنىن دە مالىمدەدى.
"الدە، جۇيەنىڭ ءوزى، سول وزدەرى نانىن جەگەندەردەن تۇراتىنىن بىلمەي مە ەكەن... كەرىسىنشە، مەن جۇيەدەن سوقىر تيىن الىپ كورگەن ەمەسپىن. بىراق، كەز-كەلگەن باسشى ول نازارباەۆ بولا ما، توقاەۆ بولا ما، اسانوۆ نەمەسە ۇسەنوۆ بولا ما، باعىنامىن! ءارى، ين شا اللاھ وسى ەلگە، ەل تىنىشتىعى ءۇشىن تەگىن قىزمەت تە ەتەمىن. ال، قانداي دا ءبىر كوتەرىلىس ارقىلى كەلگەن باسشى بولسا، مەيلى ول مەنىڭ تۋعان باۋىرىم بولسا دا، ەش قولدامايمىن!" سايلاۋ ارقىلى كەلگەن، نەمەسە تاعايىندالعان كەز كەلگەن باسشىنى قولدايمىن. مەيلى ول قالاي وتىرسا دا. قۇدايدىڭ الدىندا، اركىم وزدەرى، مىندەتتى تۇردە قىلداي نارسەگە بولسىن، جاۋاپ بەرەدى. تاك ىشتو ءبىر-ءبىرىڭنىڭ ارتىنان شام الىپ تۇسپەي، ىرىڭ-جىرىڭدى تاستاپ، قايتا اۋىزبىرشىلىكتە بولۋدى ويلاڭدار. بۇل دۇنيە ۋاقىتشا عانا. احىرەت حايىرلى!", - دەپ تولىقتىردى ءسوزىن تالعات رىسقۇلبەكوۆ.
"ادىرنا" ۇلتتىق پورتالى
پىكىرلەر