“Qaırat Satybaldynyń ofısinen shyqpaıtyndar nege úndemeıdi?” - Talǵat Rysqulbek

6836
Adyrna.kz Telegram
"Qaırat Satybaldyny ýaqytsha tergeý ızolıatoryna qamaǵan sátten bastap, ásheıinde ofısinen shyqpaıtyndar nege úndemeı otyr?" Bul pikirdi Jeltoqsan kóterilisiniń qaharmany Qaırat Rysqulbekovtiń týǵan inisi Talǵat Rysqulbekov óz feısbýk paraqshasynda qaldyrdy, dep habarlaıdy "Adyrna" ulttyq portaly. 
"Allah razylyǵy úshin, búgin bárimiz Tahajýd namazyna turyp, Qaırat Satybaldyǵa Duǵa jasaıyq! Qaırat Satybaldyny ýaqytsha tergeý ızolıatoryna qamaǵan sátten bastap, ásheıinde ofısinen shyqpaıtyn bıznesmenderi bar, ımamy bar, ıvany bar, namazhany bar, beınamazy bar, ártisi men ánshisi bar, jazýshy/jýrnalısti bar, bári-bári tym-tyraqaı joq bolǵany túsinikti jaǵdaı deıik. Iaǵnı "pendeshilik-est pendeshilik" deıik-aq... Biraq, áleýmettik jelide solardyń biri nege izdep, ne bolmasa osyndaı-osyndaı jaqsylyǵyn kórip edik. Jańa bastap, turyp qalǵan úıimdi bitirýge, joq jerden meshit salýǵa, balamnyń oqýyna t.b. tolyp jatqan kómektesken adamgershiligin nege aıtpaıdy deımin de... Tipti, Memlekettik deńgeıde ǵana emes, Ulttyq sportty álemdik deńgeıge deıin kótergeniniń ózi ne turady", - dep jazdy qoǵam belsendisi.
Sonymen qatar qoǵam belsendisi bul jazbany jazýda eshkimnen eshqandaı "tapsyrma" almaǵanyn basa aıtty.
"Allahpen Ant etemin! bul jazbam Bekbolat Tileýhan nemese basqa da bireýlerdiń zakazy emes, ózimniń Musylmandyq ári adamgershilik mindetim. Men, olarǵa qaraǵanda, Nazarbaevtardan eshteńe alǵan emespin de, bılikte otyrǵandarynda eshqashan qarsy da kelgen emespin. Kerisinshe El tynyshtyǵy úshin, qashanda barynsha bále izdegenderge basý aıtyp, túsinbegenderge qatý aıtyp, jáı kezde bolsa, ylǵı da Duǵada bolǵanmyn. Óıtkeni baýyrym Qaırat Rysqulbekov qurban bolǵan bul Táýelsizdik, men úshin mıllıardtaǵan teńgelerden de qymbat dep sanaımyn. Tem bolee bastaryna is túskende, keıbireýler sııaqty "qulaǵynda qurbaqa bolmaımyn". Allahtyń qalaýymen Qaırat ta, Samat ta, osy synaqtan ótip kúnderdiń kúninde Prezıdent bop kelse, kórer em qalaı saıraǵandaryńdy. Qazir atqa minip, "asyra silteý bolmasyn, asha tuıaq qalmasyn" -dep sońdarynan sham alyp túskenderiń túptin-túbi, Toqaev ketse de artynan bir ýys topyraq shasharsyńdar. Oǵan deıin, Qaırat Satybaldy kómektesken myńdaǵan kedeı-kepshiktiń Duǵasynan aman qalsańdar árıne. Óıtkeni, Qaırat Satybaldy mysaly júz mıllıon dollary bolsa, basqa ótkende Toqaev jınaǵan 150 mıllıonerlerge qaraǵanda Qudaıdyń buıyrǵan zeketi retinde, kedeı-kepshikke sonyń 2,5% ıaǵnı jylda 2.5 mln $ taratady. Bul degen, 150 bıznesmendi de zeket berýge úndese, 375 mln $ degen sóz. Bir baspana 37.5 myń $ turǵanda, jylyna 10 myń adam baspanaly bolady degen sóz. Mine saǵan qarapaıym ǵana Allahtyń Islam Dininiń keremeti!", - dedi ol.
Talǵat Rysqulbekov Qaırat Satybaldydan basqa mıllıonerlerdi de qamaýǵa alyńdar dep úndeý tastady.
"Qaırat Satybaldyny koorýpııamen qamadyńdar ma, anaý 150 mıllıoner bıznesmenniń 140 qa jýyǵyn, jáne gosslýjaıı bop júrip "forbste" júrgen júzdegen sheneýikti de qamańdar.Óıtkeni qaısysy hotıa by bir tis shuqıtyn eh ashyp baıypty deısiń... Qazirgi Toqaevtiń qasyndaǵy "danyshpandar", anaý qulqyndaryń aman bolsa, 2-3 jylda jarııa, jasyryn, "Forbs" jýrnalyndaǵy tizimge sender de iligip qalarsyńdar. Tastańdar, egolaryńdy nemese, shaıtan túrtken nápsilerińdi! Túbi, bul dúnıede de, Ahirette de báriń, bárine jaýap beresińder. Tipti, bir sabaq jipterińe deıin. Al, Qaırat Satybaldynyń namaz oqyǵanyna bola tıisip jatsańdar, onda voobe bittim deı berińder. Óıtkeni, Dinge qaıta-qaıta tıiskenderińdi, balalaryńmen jazalaımyn..!,-degen Allahtyń ýádesi bar. Jeltoqsankóterilisinde baýyrym Qaıratqa atý jazasyn bergende, búkil qazaq bes jarym jyl boıy Rysqulbekter áýletinen (jaqyn 3 januıa týystarymyzdan basqasy), syrt aınalǵan edi", - dep málimdedi qoǵam belsendisi.
Qaırat Rysqulbekovtyń inisi osy ýaqytqa deıin bılikten de, ózgeden de esh kómek surap kórmegenin aıtty.
"Bes jarym jyl qoǵamnan ızolırovannyı ómir súrdik. Eshkimge jylap-syqtap muńymyzdy shaqqan da joqpyz. Sabyr ettik. Qaırattyń sotynan keıin zootehnık bolyp istep júrgen Ákemdi de, mal basy kem degen syltaýmen, 3.5 jylǵa sottap jiberdi. Meni oqýdan shyǵardy. Sóıtip 87 jyly maıda áskerge kettim. Aǵamdy jumystan shyǵardy. Aqyr ákem, ishteı jegen ýaıym áser etken bolý kerek, 53 jasynda qaıtys boldy. Aıta bersek, qazirgi shópketysharlar men nebir "shybyq tımeı shyńq eterlerge" qaraǵanda, biz, búkil Rysqulbekovtar, áýletimizben úlken sabyrlyq tanyttyq. Allahtyń qalaýymen áli de tanytyp kelemiz. Meniń tańǵalatynym, osynda otyrǵandardyń keıbireýi sol Memleketten qyzmet, tendr, neshe túrli zakaz-joba da t.b. neshetúrli podderjka alyp otyrady da, keıbireýi, tipti Elbasy tóńiregimen jaqyn aralasqan da. Mysaly, Dınanyń baıyn aıtpaǵanda, Serik abas shah sııaqtylar Darıǵanyń qaı jaǵynan qalaı kirip, qalaı shyqqanyn ózi biler..., sóıte tura azýlaryn aıǵa bilep, júıeni, solardy, jatyp kep jamandap, aýyzdarynan aq ıt kirip, kók ıt shyǵyp sybaıtyndaryn qaıtersiń....", - dep nalydy ol.
El tynyshtyǵy úshin tegin qyzmet etýge daıyn ekenin de málimdedi.
"Álde, júıeniń ózi, sol ózderi nanyn jegenderden turatynyn bilmeı me eken... Kerisinshe, men júıeden soqyr tıyn alyp kórgen emespin. Biraq, kez-kelgen basshy ol Nazarbaev bola ma, Toqaev bola ma, Asanov nemese Úsenov bola ma, baǵynamyn! Ári, In sha Allah osy Elge, El tynyshtyǵy úshin tegin qyzmet te etemin. Al, qandaı da bir kóterilis arqyly kelgen basshy bolsa, meıli ol meniń týǵan baýyrym bolsa da, esh qoldamaımyn!" Saılaý arqyly kelgen, nemese taǵaıyndalǵan kez kelgen basshyny qoldaımyn. Meıli ol qalaı otyrsa da. Qudaıdyń aldynda, árkim ózderi, mindetti túrde qyldaı nársege bolsyn, jaýap beredi. Tak yshto bir-birińniń artynan sham alyp túspeı, yryń-jyryńdy tastap, qaıta aýyzbirshilikte bolýdy oılańdar. Bul dúnıe ýaqytsha ǵana. Ahiret Haıyrly!", - dep tolyqtyrdy sózin Talǵat Rysqulbekov.
"Adyrna" ulttyq portaly
Pikirler