Qaraǧandyda 5 nauryzda joǧalyp ketken 27 jastaǧy Anastasiia Şeviakova tabyldy. Äiel pyşaq jaraqatynyŋ ızderımen, orman alqaptarynan tabyldy, - dep habarlaidy "Adyrna" portaly.
Äieldıŋ ölımınıŋ män-jaiyn Qaraǧandy oblystyq PD baspasöz qyzmetı habarlady. Vedomstvonyŋ mälımetınşe, 27 nauryz künı taŋerteŋ Qazybek bi atyndaǧy audandaǧy orman alqaptarynan jas äieldıŋ denesı tabylǧan.
"27 nauryzda būryn ız-tüzsız joǧalǧandar tızımınde tūrǧan 27 jastaǧy qala tūrǧynynyŋ pyşaq jaraqattarymen mäiıtı tabyldy. Būl faktı boiynşa QR QK «Kısı öltıru» 99-babynyŋ 1-bölıgı boiynşa sotqa deiıngı tergeu bastaldy. Jedel ızdestıru ıs-şaralary barysynda kriminaldyq polisiia qyzmetkerlerı 26 jastaǧy küdıktını anyqtap, qolǧa tüsırdı», - dep habarlady oblystyq IID baspasöz qyzmetı.Sondai-aq departament küdıktınıŋ moiyndaǧanyn qosty. Onyŋ aituynşa, ol 5 nauryz künı marqūmmen auyzşa janjaldasyp qalǧan. Üiınde bola tūryp, tuyndaǧan janjal kezınde jäbırlenuşını pyşaqtap, qylmysty jasyru üşın marqūmnyŋ denesın ormanǧa aparyp kömgen.
"Küdıktı uaqytşa ūstau izoliatoryna qamaldy. Tergeu jürgızılude", - dep atap öttı departamenttegıler.
"Adyrna" ūlttyq portaly
Ūqsas jaŋalyqtar
