ءار مينۋت سايىن ءۇش ادام تۋبەركۋلەزدەن كوز جۇمادى

2147
Adyrna.kz Telegram

بۇگىن، 2022 جىلدىڭ 25-ناۋرىزىندا الماتى قالاسىنداعى س.د.اسفەندياروۆ اتىنداعى قازۇمۋ-دا دۇنيەجۇزىلىك تۋبەركۋلەزگە قارسى كۇرەس كۇنىنە ارنالعان رەسپۋبليكالىق عىلىمي-تاجىريبەلىك كونفەرەنتسيا جۇمىسىن باستادى، دەپ جازادى "ادىرنا" ۇلتتىق پورتالى. 

رەسپۋبليكالىق كونفەرەنتسيانى قازاقستان رەسپۋبليكاسى ۇلتتىق فتيزيوپۋلمونولوگيا عىلىمي ورتالىعى، جيتس، تۋبەركۋلەز جانە بەزگەكپەن كۇرەسۋ جونىندەگى جاھاندىق قوردىڭ قازاقستان رەسپۋبليكاسىنداعى تۋبەركۋلەز كومپونەنتى بويىنشا گرانت جوباسى، س.د. اسفەندياروۆ اتىنداعى قازۇمۋ، قازاقستان فتيزياترلارىنىڭ قاۋىمداستىعى ۇيىمداستىردى.

كونفەرەنتسياعا قازاقستان رەسپۋبليكاسى دەنساۋلىق ساقتاۋ مينيسترلىگىنىڭ وكىلدەرى، حالىقارالىق سەرىكتەستەر – USAID, قازاقستان رەسپۋبليكاسىنداعى ETICA جوباسى، «AFEW Kazakhstan»، «كامەدا» قوعامدىق قورى وكىلدەرى، تۋبەركۋلەزگە قارسى ۇلتتىق باعدارلامانىڭ كونسۋلتانتتارى، تۋبەركۋلەز سالاسىنداعى ۇكىمەتتىك ەمەس ۇيىم وكىلدەرى قاتىستى.

دۇنيەجۇزىلىك دەنساۋلىق ساقتاۋ ۇيىمى تۋبەركۋلەز الەمدەگى ەڭ قاتەرلى جۇقپالى اۋرۋ بولىپ قالعانىن مالىمدەۋدە.
تۋبەركۋلەز ىندەتىنە توسقاۋىل قويۋ جاعىنان قازاقستاننىڭ تۋبەركۋلەزگە قارسى ۇلتتىق قىزمەتى وڭ ناتيجەلەرگە قول جەتكىزە الدى.

قر دسم مەديتسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى گۇلنار قاسەنوۆا: "قازىرگى ۋاقىتتا قازاقستاندا تۋبەركۋلەزدى انىقتاۋ مەن ەمدەۋدىڭ زاماناۋي جىلدام ادىستەرىن ەنگىزۋدىڭ ارقاسىندا تۋبەركۋلەزبەن سىرقاتتانۋ مەن ءولىم-ءجىتىم كورسەتكىشتەرى تۇراقتى تۇردە تومەندەپ كەلەدى. ماسەلەن، 2021 جىلى تۋبەركۋلەزبەن اۋىرۋ كورسەتكىشى 100 مىڭ ادامعا شاققاندا 35,9 قۇرادى. 2012 جىلعى 100 مىڭ ادامعا شاققاندا 81,7 كورسەتكىشىمەن سالىستىرعاندا تۋبەركۋلەزبەن اۋىرۋ 2,3 ەسەگە ازايدى. 2021 جىلى تۋبەركۋلەزدەن بولعان ءولىم-ءجىتىم كورسەتكىشى 1,7 قۇراپ، 2012 جىلعى 100 مىڭ ادامعا شاققاندا 7,4 كورسەتكىشىمەن سالىستىرعاندا 4,4 ەسەگە ازايدى",-دەپ مالىمدەدى.

ستوپ تب حالىقارالىق ارىپتەستىگىنىڭ وكىلى لۋچيكا ديتيۋ قازاقستاننىڭ تۋبەركۋلەزگە قارسى ۇلتتىق باعدارلاماسى تاڭدانارلىق جەتىستىكتەرگە قول جەتكىزگەنىن اتاپ ءوتتى.

ال USAID-تىڭ ورتالىق ازياداعى وڭىرلىك ميسسياسىنىڭ ديرەكتورى لوۋرەنس حاردي: بۇگىنگە دەيىن ەلدەگى تۋبەركۋلەزبەن اۋىرۋ كورسەتكىشى 250 پايىزعا،ال ءولىم كورسەتكىشى 700 پايىزعا تومەندەدى. يۋسايد قازاقستانعا الداعى ۋاقىتتا دا تۋبەركۋلەزبەن، اسىرەسە دارىگە ءتوزىمدى تۋبەركۋلەزبەن كۇرەسىنە كومەكتەسەتىن بولادى، - دەدى.

قر ۇفعو ديرەكتورى مالىك ادەنوۆ تۋبەركۋلەزدىڭ ەپيدەمولوگيالىق احۋالىمەن تانىستىرىپ ءوتىپ، COVID-19 ىندەتىنىڭ تيگىزگەن سالدارىنا قاراماستان 2020-2021 جىلدارى تۋبەركۋلەزبەن اۋىرۋ كورسەتكىشىن تومەندەتۋگە قول جەتكەنىن مالىمدەدى. سونىمەن بىرگە تۋبەركۋلەزدەن كوز جۇمعاندار سانى وسكەن جوق.
دەگەنمەن ءالى دە وزەكتى ماسەلەلەر بار. قازاقستان ازىرگە دارىگە ءتوزىمدى تۋبەركۋلەز اۋىرتپالىعىنان ارىلماعان 30 ەلدىڭ قاتارىندا.

ەلىمىزدە تۋبەركۋلەز تەگىن ەمدەلەدى. ال ونى انىقتاۋدا، دياگنوستيكاسىندا گەندى-مولەكۋليارلى تەحنولوگيالارعا نەگىزدەلگەن ەڭ سوڭعى وزىق ادىستەر قولدانىلادى. حالىق تۋبەركۋلەز تۋرالى حاباردار بولعان سايىن، بۇل اۋرۋ تۋرالى جالعان، جاڭساق پىكىرلەر ازايعان سايىن تۋبەركۋلەزدى ەرتە انىقتاۋ، ياعني ونى ءساتتى ەمدەۋ دە جەڭىلدەي تۇسەدى.

حالىقتىڭ تۋبەركۋلەز تۋرالى حاباردارلىعىن ارتتىرۋ ماقساتىندا دۇنيەجۇزىلىك تۋبەركۋلەزگە قارسى كۇرەس كۇنىنە ورايلاستىرىلعان تۋبەركۋلەزگە قارسى ايلىق وتكىزىلدى. ايلىق اياسىندا الەۋمەتتىك جەلىلەر، تەلەارنالار مەن راديو ارقىلى حالىققا كەڭ كولەمدە اقپارات تاراتۋ جۇمىستارى جۇرگىزىلدى; جۋرناليستەر، بلوگەرلەر، ستۋدەنتتەر مەن ۇكىمەتتىك ەمەس ۇيىم وكىلدەرى اراسىندا بايقاۋ وتكىزىلدى. جانە بۇگىن بايقاۋ جەڭىمپازدارىنا باعالى سىيلىقتار تابىس ەتىلدى.

"ادىرنا" ۇلتتىق پورتالى 

پىكىرلەر