قاراعاندى قالاسىندا «جيلوتدەلستروي» جشس باسشىسىنىڭ الاياقتىق جاساۋ فاكتىسى بويىنشا تەرگەۋ اياقتالدى، دەپ حابارلايدى "ادىرنا" ۇلتتىق پورتالى. بۇل قر قارجى مونيتورينگى اگەنتتىگىنىڭ ءباسپاسوز قىزمەتى حابارلادى.
- قما قاراعاندى وبلىسى بويىنشا اۋماقتىق دەپارتامەنتى 2015-2019 جج. قاراعاندى ماگيسترالدىق جەلى فيليالى ستانتسيالارىنداعى قورشاۋ جولدارىنىڭ قۇرىلىس-مونتاجداۋ جۇمىستارىن ورىنداۋ كەزىندە قۇدايقۇلوۆ ا.ب. جۇمىس كولەمىن اسىرا باعالاۋ ارقىلى «قتج» ۇك» اق جالپى سوماسى 57 ملن استام تەڭگە كولەمىندەگى قاراجاتىن جىمقىرعانى انىقتالدى، - دەلىنگەن حابارلامادا.جۇرگىزىلگەن تەرگەۋ امالدارىنىڭ ارقاسىندا شىعىننىڭ بيۋدجەتكە تولىق كولەمدە وتەلۋى قامتاماسىز ەتىلدى. سوت ۇكىمىمەن قۇدايقۇلوۆ 6 جىلعا (شارتتى تۇردە) باس بوستاندىعىنان ايىرۋ جازاسىنا كەسىلدى.
"ادىرنا" ۇلتتىق پورتالى
