پەتروپاۆلداعى جەو-2 قالپىنا كەلتىرىلىپ جاتىر - قر ەنەرگەتيكا مينيسترلىگى

2981
Adyrna.kz Telegram

2022 جىلعى 20 ناۋرىزدا پەتروپاۆل جەو-2 №1 ءتۇتىن قۇبىرى جارتىلاي قۇلاعانعا دەيىن 4 قازاندىق جۇمىس ىستەدى، دەپ حابارلادى قر ەنەرگەتيكا مينيسترلىگىنىڭ ءباسپاسوز قىزمەتى. بۇل تۋرالى "ادىرنا" ۇلتتىق پورتالى جازادى. 

- تەحنولوگيالىق بۇزۋشىلىق تۋىنداعاننان كەيىن 2 قازاندىق قالدى، جىلۋ ەنەرگياسىن بەرۋدىڭ تومەندەۋى ناتيجەسىندە جىلۋ جەلىلەرىندەگى تەمپەراتۋرا +40°س دەيىن تومەندەدى. 2022 جىلعى 21 ناۋرىزدا ساعات 9: 30-دا 3-ءشى قازاندىق ىسكە قوسىلدى، جىلۋ جەلىلەرىندە تەمپەراتۋرا كوتەرىلە باستادى. تۇستەن كەيىن 4 قازاندىقتى قوسۋ جوسپارلانۋدا، بۇل جىلۋ جەلىلەرىنىڭ تەمپەراتۋرالىق رەجيمىن بەلگىلەنگەن مولشەرگە دەيىن قالپىنا كەلتىرۋگە مۇمكىندىك بەرەدى، - دەلىنگەن حابارلامادا.

سونىمەن قاتار، ۇيىندىلەردى ءتۇتىن مۇرجاسىنىڭ بۇزىلۋىنان تازارتۋ، سونىڭ ىشىندە ەلەكتر ستانتسياسىنىڭ ءماشينيستىن ىزدەۋ بويىنشا جۇمىستار جالعاسۋدا. سونداي-اق بۇزىلۋدىڭ ماسشتابىن جانە قالپىنا كەلتىرۋ جۇمىستارىنىڭ كولەمىن باعالاۋ جۇرگىزىلىپ جاتىر.

"ادىرنا" ۇلتتىق پورتالى 

پىكىرلەر