اتىراۋدا پوليتسيادان قاشقان ماس جۇرگىزۋشى وزەنگە سەكىرىپ كەتتى، - دەپ حابارلايدى "ادىرنا" سايتى اتىراۋ وبلىسى اكىمدىگىنىڭ ءباسپاسوز قىزمەتىنە سىلتەمە جاساپ.
پوليتسەيلەردەن قاشپاق بولعان «لادا پريورا» كولىگىنىڭ جۇرگىزۋشىسى وزەنگە سەكىرىپ كەتكەن. حابارلانعانداي، ۆلاديميرسكي مەن عۇماروۆ كوشەلەرىنىڭ قيىلىسىندا اتالعان كولىك پوليتسەيلەردىڭ كۇدىگىن تۋدىردى.
"كولىك جۇرگىزۋشىسى توقتاماق بولعان كەزدە 4-ءشى اۆانگارد ىقشاماۋدانىنداعى ۇيلەردىڭ بىرىنە توقتاپ، كولىكتەن ءتۇسىپ، كوپىرگە قاراي جۇگىرە جونەلدى. كولىك جۇرگىزۋشىسى جايىق وزەنىنە جۇگىرىپ بارىپ، سۋعا سەكىرىپ كەتتى»، - دەدى پوليتسيا.
پاترۋلدىك پوليتسيا ينسپەكتورلارى پوليتسيا اعا لەيتەنانتى جەكسەنبەك نۇرىموۆ پەن ونىڭ ارىپتەسى پوليتسيا لەيتەنانتى ساقاۋوۆ دانابەك قۇقىق بۇزۋشىنى ۇستادى.
بەلگىلى بولعانداي، كولىك قۇرالىن باسقارۋ قۇقىعى جوق (بۇرىن كولىك قۇرالىن باسقارۋ قۇقىعىنان ايىرىلعان) 33 جاستاعى ەر ادام كولىكتى ماس كۇيىندە باسقارعان. ول «اراق ىشكەنمىن» دەپ اقتالىپ، پوليتسەيلەردى كورگەندە قاشپاق بولعان.
ايتا كەتەيىك، وعان قاتىستى قر اقبتك-ءنىڭ 608-بابىنىڭ 6-بولىگىمەن، قر اقبتك-ءنىڭ 595-بابىنىڭ 1-بولىگىمەن، 601-بابىنىڭ 1-بولىگىمەن حاتتامالار تولتىرىلعان. قازاقستان رەسپۋبليكاسىنىڭ كودەكسى، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 613-بابىنىڭ 3-بولىگىنىڭ 1-تارماعى، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 612-بابىنىڭ 1-بولىگى، قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 590-بابىنىڭ 7-بولىگى بويىنشا ايىپ تاعىلدى.
"ادىرنا" ۇلتتىق پورتالى
