«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىندا ناۋرىز كەزدەسۋلەرى وتۋدە. بيىلعى جىلى كوكتەمگى ءداستۇرلى عىلىمي جوبالار بايقاۋى قازىرگى زاماننىڭ ەڭ وزەكتى باسىمدىقتارىنىڭ ءبىرى – «جاساندى ينتەللەكت جانە مەحاترونيكا» تاقىرىبىنا ارنالدى.
ەكى كۇن بويى زياتكەرلىك جانە جالپى ءبىلىم بەرەتىن مەكتەپتەردىڭ وقۋشىلارى قازاق، اعىلشىن جانە ورىس تىلدەرىندە ونلاين فورماتتا ۆەبينارلاردى تىڭدادى، وندا جاساندى ينتەللەكت، تسيفرلى تەحنولوگيالار، روبوتوتەحنيكا، ينجەنەريا، ساۋلەت جانە ەكولوگيا سالاسىنداعى تانىمال وتاندىق جانە شەتەلدىك سپيكەرلەر ءسوز الدى.
ولاردىڭ قاتارىندا اۆستراليادان سۋ كولىكتەرى تۇرلەرى بويىنشا ساراپشى برەندان نورمان، رەسەيلىك «R:ED» كومپانياسىنىڭ ءبىلىم بەرۋ جوبالارىن دامىتۋ ءبولىمىنىڭ باسشىسى اليسا بولشاكوۆا، نازارباەۆ ۋنيۆەرسيتەتىنىڭ عىلىمي قىزمەتكەرى جانات ماحاتاەۆا جانە باسقا دا بەدەلدى عالىمدار بار.
ال كەزدەسۋدىڭ باستى تۇستارى ەش وزگەرىسسىز قالدى. زەرتتەۋ جۇرگىزۋگە قۇشتارلىق، جاس عالىمداردىڭ باتىلدىعى، تاماشا تەوريالىق دايىندىق، جاڭا جوبالارعا شابىت بەرەتىن كوماندالىق رۋح – بارلىعى سول قالپىندا ساقتالعان.
برەندەن مىرزانىڭ سۋتەگى قوزعالتقىشتارى جانە ءبىزدىڭ ەلدەردەگى لاستانۋ پايىزىن ازايتۋ جولدارى تۋرالى اڭگىمەگە نەگىزدەلگەن ءدارىسى ماعان قاتتى اسەر ەتتى. سونىمەن قاتار، ءبىز كولىكتەرىمىزدى جەتىلدىرۋ جولدارى مەن سۋتەگى قوزعالتقىشتارى قالاي جۇمىس ىستەيتىنىن بىلدىك. جالپى، ۆەبينارلار مازمۇندى جانە وتە قىزىقتى ءوتتى، - دەيدى ۆلاديسلاۆ تسوي، №20 ليتسەيىنىڭ 9-سىنىپ وقۋشىسى.
وقۋشىلار ايگىلى شۆەيتساريالىق فۋتۋرولوگ گەرد لەونحاردتىڭ قوسىلۋىن اسىعا كۇتتى، ونىڭ ۆەبينار تاقىرىبى ەرەكشە قىزىعۋشىلىق تۋدىردى - «ماشينالار مەن ادامزاتتىڭ بولاشاعى. جاساندى ينتەللەكت جانە ادام ينتەللەكتىسى».
ءبىز وزگەرىستەر الەمىنە نىق قادام باسىپ كەلەمىز. وزگەرىستەرگە كۆانتتىق كومپيۋتەرلەر، ءارتۇرلى تىلدەردى قايتا وڭدەۋ، بلوكچەين، 3D باسىپ شىعارۋ، گەندىك ينجەنەريا، ۆيرتۋالدى شىندىق سياقتى زاتتار كىرەدى. باسىندا بۇنىڭ ءبارى باياۋ، بىرتىندەپ داميدى دەگەن ويدا بولدىق، الايدا بۇل پروتسەستەر ءاپ-ساتتە جانە تەز دامي باستادى، – دەيدى گەرد لەونحارد، – ادامزاتتىڭ ىزدەگەنى ادامدارعا ۇقسايتىن ماشينالار ەمەس، پايدالى زاتتار، زياتكەرلىك كومەك بولۋى كەرەك.
بۇگىنگى ناۋرىزداعى پراكتيكالىق ساباقتار توپوگرافياداعى پيفاگور تەورەماسى، عارىشتىق ماتەريالداردى قۇرۋ جانە حيميا، بيولوگيا، فيزيكا، ماتەماتيكا جانە ينفورماتيكا سالاسىنداعى باسقا دا جوبالارعا ارنالدى.
تالدىقورعان قالاسىنداعى نازارباەۆ زياتكەرلىك مەكتەبىندە «جەر سىلكىنىستەرىن تۇسىنۋگە ارنالعان ماتەماتيكالىق مودەلدەۋدى قولدانۋ» ماستەر-كلاسسى ءوتتى.
بۇل پراكتيكالىق ساباقتا وقۋشىلار جەر سىلكىنىسى تۋرالى مالىمەتتەردى ۆيزۋاليزاتسيالاۋ ءۇشىن سەيسموگراف قۇرىپ، جەر سىلكىنىسىنىڭ اسەرىن ازايتۋعا قولدانىلاتىن زاماناۋي ينجەنەرلىك ادىستەردى زەرتتەدى.
بىزدىڭ قۇرىلعى سەيسميكالىق بەلسەندىلىكتى بولجايدى. ديزاين ءۇشىن ءبىز Arduino پلاتوسىنا نەگىزدەلگەن قۇراستىرۋ مەن باعدارلامالاۋدى قولداندىق. بۇل جوبانى جۇزەگە اسىرۋ گەوگرافيا، فيزيكا، ينفورماتيكا جانە روبوتوتەحنيكا پاندەرىنەن ءبىلىم الۋعا مۇمكىندىك بەرەدى، - دەپ 9-سىنىپ وقۋشىسى ارۋجان مامىروۆا ءوز پىكىرىمەن ءبولىستى.
ناۋرىز كەزدەسۋلەرىنىڭ شەكسىز عىلىم مەن شابىتتىڭ مەرەكەسى ەكەنىن ايقىنداي ءتۇستى.
