كوروناۆيرۋس ىندەتى سالدارىنان الەمدە ميللياردتاعان ادام جۇمىسسىز قالادى نەمەسە جالاقىسى قىسقارادى. بۇل تۋرالى حالىقارالىق ەڭبەك ۇيىمىنا سىلتەمە جاساپ Bloomberg حابارلادى.
بۇل وزگەرىستى، اسىرەسە، قوناقۇي، تاماقتانۋ جانە ساۋدا سالالارىنىڭ قىزمەتكەرلەرى سەزىنەدى. حالىقارالىق ەڭبەك ۇيىمى ىندەتكە شالدىعۋ كورسەتكىشى ازايماسا، جۇمىسسىزدىق دەڭگەيى ودان سايىن وسەتىنىن ايتىپ وتىر.
ايتا كەتەيىك، 11 ناۋرىزدا دۇنيەجۇزىلىك دەنساۋلىق ساقتاۋ ۇيىمى جاڭا كوروناۆيرۋستىڭ تارالۋىن پاندەميا دەپ جاريالاعان بولاتىن. ەلدەر شەكاراسىن جاۋىپ، بىرىنەن سوڭ ءبىرى توتەنشە جاعداي رەجيمىن ەنگىزدى.
قازاقستاندا 16 ناۋرىز - 15 ءساۋىر ارالىعىندا توتەنشە جاعداي جاريالاندى. وبلىستار مەن قالالار كارانتينگە جابىلدى.
پرەزيدەنت قاسىم-جومارت توقاەۆ اقوردادا وتكىزگەن توتەنشە جاعداي جونىندەگى مەملەكەتتىك كوميسسيانىڭ وتىرىسىندا كوروناۆيرۋس ىندەتىنە بايلانىستى تابىسىن جوعالتقان ادامدارعا جاردەماقى تولەۋدى تاپسىرعان بولاتىن. توتەنشە جاعداي سالدارىنان كىرىسىن جوعالتقان ادامدارعا ەڭ تومەنگى جالاقى (42 500 تەڭگە) كولەمىندە اي سايىنعى تولەمدەر جاسالادى.
الدىن الا ەسەپ بويىنشا مۇنداي قولداۋعا كەمىندە 1,5 ميلليون وتانداسىمىز يە بولا الادى.
قازىرگى ۋاقىتتا ەلىمىزدە 727 ادامدا ۆيرۋس راستالدى. جەتەۋى ىندەتتەن كوز جۇمدى
