«قازاقستان – مەنىڭ جەرۇيىعىم». جەلىدە ورىس قىزىنىڭ فلەشموبى قولداۋ تابۋدا

2777
Adyrna.kz Telegram

كۇنى كەشە ورىس قىزى قازاقستاندا تۇراتىن ءوز ۇلتىنىڭ وكىلدەرىنە ارناپ، "قازاقستان - مەنىڭ جەرۇيىعىم" اتتى فلەشموبتى باستاعان بولاتىن. بۇگىندە جان-جاقتان قولداۋ تاۋىپ، ۇلتى ورىس قازاقستاندىقتار پاراقشالارىنا بەينەۇندەۋلەرىن جاريالاپ جاتىر.

بۇگىن جاستار اسسامبلەياسىنىڭ مۇشەسى، «وبەرەگ» ۋكرايندار قوعامى جاستار قاناتى توراعاسىنىڭ ورىنباسارى يۋليا لۋگاتكينا Facebook پاراقشاسىنا قازاق تىلىندە بەينەجازباسىن جاريالادى.

“سالەمەتسىزدەر مە؟! مەنىڭ ەسىمىم-يۋليا لاگۋتكينا. تاۋەلسىز قازاقستاننىڭ جاس ازاماتشاسىمىن. ۇلتىم ورىس بولسا دا، قازاق ءتىلى، قازاق حالقىنىڭ سالت-داستۇرلەرى، مادەنيەتى جانە تاريحى جۇرەگىمدە ەرەكشە ورىن الادى. ءبىز قازاقستان رەسپۋبليكاسىنىڭ ءبىرتۇتاس حالقىمىز. سوندىقتان ەلىمىزدە ەشقانداي ەتنوسارالىق جانە ۇلتارالىق الاۋىزدىققا جول بەرمەيمىز. ءبىز بىرگەمىز!”، -دەدى بەينەجازبادا.

سونداي-اق، جازباسى ارقىلى كوپتى ءسۇيسىندىرىپ، جەلى قولدانۋشىلارىنىڭ ىقىلاسىنا بولەنۋدە.

“ۇلتى، ءدىنى، ءداستۇرى ايىرماشىلىعىنا قاراماستان، ءبارىمىزدى ءبىر قازاقستان حالقى ەكەنىمىز بىرىكتىرەدى! مىنە، 30 جىلدان بەرى ورىستار، قازاقتار، بەلورۋستار، ۋكرايندار، نەمىستەر، تاتارلار جانە باسقا دا ۇلتتار ءبىر شاڭىراق استىندا تاتۋ-ءتاتتى ءومىر ءسۇرىپ جاتىرمىز. بارشا قازاقستاندىقتاردى ارانداتۋشىلىققا ءمان بەرمەۋگە شاقىرامىن. ءبىز ۇلتتىق جانە ۇلتارالىق الاۋىزدىققا جول بەرمەيمىز، ويتكەنى باستى بايلىعىمىز – بىرلىك، كۇشىمىز – سان الۋاندىق!” ،-دەدى يۋليا جازباسىندا.

“ادىرنا” ۇلتتىق پورتالى

پىكىرلەر