«قازمۇنايگاز» «5/50» باعدارلاماسى بويىنشا كەتكەن بۇرىنعى جۇمىسكەرلەردىڭ ۇندەۋىنە تۇسىنىكتەمە بەردى

2029
Adyrna.kz Telegram

«قازمۇنايگاز» ۇلتتىق كومپانياسى مۇناي-سەرۆيستىك ۇيىمدارىنىڭ بۇرىنعى جۇمىسكەرلەرىنىڭ «5/50» باعدارلاماسىنا قاتىسقانى بويىنشا جاساعان ۇندەۋلەرىنە تومەندەگىنى حابارلايدى.

2017 جىلدىڭ ءساۋىر ايىندا «قازمۇنايگاز» ۇك اق باسقارماسى «Oil Services Company» جشس، «Oil Construction Company» جشس، «ويل ترانسپورت كورپورەيشەن» جشس، «مۇنايتەلەكوم» جشس جانە «ماڭعىستاۋەنەرگومۇناي» جشس مۇناي-سەرۆيستىك كاسىپورىندارىندا «تاراپتاردىڭ كەلىسىمى بويىنشا قىزمەتكەرلەرمەن ەڭبەك شارتىن مەرزىمىنەن بۇزۋ تۋرالى ەرەجەنى» («5/50» باعدارلاماسى) بەكىتتى.

بۇل باعدارلاما اياسىندا مۇناي-سەرۆيستىك مەكەمەلەردىڭ جۇمىسكەرلەرىنە 5 جىلداعى لاۋازىمدىق ەڭبەكاقىسىنىڭ 50% مولشەرىندە قوماقتى وتەماقى تولەي وتىرىپ، تاراپتاردىڭ كەلىسىمى بويىنشا ەڭبەك شارتىن بۇزۋ قاراستىرىلدى.

ەرەجە تالاپتارىن ءتۇسىندىرۋ ماقساتىندا جۇمىس توپتارى قۇرىلىپ، ەڭبەك ۇجىمدارىمەن كوشپەلى كەزدەسۋلەر ۇنەمى وتكىزىلىپ تۇردى.

جۇمىسكەرلەر «5/50» باعدارلاماسىنا ەرىكتى تۇردە قاتىسقانىن اتاپ وتكەن ءجون. مىسالى، ەڭبەك شارتىن بۇزۋ تۋرالى كەلىسىمنىڭ 1-تارماعىندا «تاراپتار تاراپتاردىڭ كەلىسىمى بويىنشا ەڭبەك شارتىن بۇزۋ تۋرالى ەكىجاقتى ەرىكتى كەلىسىمگە كەلدى» دەلىنگەن. سونىمەن قاتار، ۇسىنىستان باس تارتقان جۇمىسكەرلەر وسى ۋاقىتقا دەيىن قمگ-نىڭ مۇناي-سەرۆيستىك مەكەمەلەرىندە جۇمىسىن جالعاستىرىپ جاتقاندىعى بۇنىڭ تاعى ءبىر دالەلى بولىپ تابىلادى.

كەلىسىم تالاپتارىنا سايكەس جۇمىسكەرلەردى قمگ-نىڭ مۇناي-سەرۆيستىك كومپانيالارىنىڭ شتاتىنا قايتا قابىلداۋ قاراستىرىلمادى. وسىلايشا، كومپانيا 5 جىل وتكەننەن كەيىن جۇمىستان شىققان جۇمىسكەرلەردى قايتا جۇمىسقا قابىلداۋ تۋرالى ەشقانداي مىندەتتەمە العان جوق.

بۇعان قاراماستان، وسى جىلدىڭ ناۋرىز ايىنىڭ 9-ى كۇنى بۇرىنعى جۇمىسكەرلەردىڭ ءبىر توبى ولارعا 5 جىلعا تولەنگەن اقشا قاراجاتى تاۋسىلدى دەگەندى العا تارتىپ، ماڭعىستاۋ وبلىسىنىڭ اكىمدىگىنە ولاردى قمگ-نىڭ مۇناي سەرۆيستىك مەكەمەلەرىنە قايتا جۇمىسقا الۋدى تالاپ ەتىپ كەلدى.

جينالعاندارمەن ماڭعىستاۋ وبلىسىنىڭ اكىمى نۇرلان نوعاەۆ جانە «قازمۇنايگاز» ۇك اق باسقارما توراعاسىنىڭ ورىنباسارى قۇرمانعازى ەسقازيەۆ كەزدەستى. ولار كەزدەسۋدىڭ قاتىسۋشىلارىنا تالاپتارىنىڭ زاڭسىز ەكەندىگىن ءتۇسىندىرىپ، ماسەلەنى سوتقا جۇگىنۋ ارقىلى زاڭ اياسىندا شەشۋگە ۇسىنىس بەردى.

«5/50» باعدارلاماسىنا «ماڭعىستاۋمۇنايگاز» اق مۇناي-سەرۆيستىك مەكەمەلەرىنەن بارلىعى 3968 ادام قاتىستى، ولارعا 43 ملرد 881 ملن تەڭگە جالپى سوماعا وتەماقى تولەندى.

 “ادىرنا” ۇلتتىق پورتالى

پىكىرلەر