قازاقستان رەسەيدە قالعان جۇكتەردى لاتۆيا تەڭىز پورتتارىنا قايتا باعىتتايدى، - دەپ حابارلايدى «ادىرنا» ۇلتتىق پورتالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.
قازاقستان مەن لاتۆيا پورتتارىنىڭ قاتىسۋىمەن جۇك تاسىمالداۋ ماسەلەسى بويىنشا بەينەكونفەرەنتسيا رەجيمىندە كەزدەسۋ وتكىزىلدى. كەزدەسۋ بارىسىندا انتۆەرپەن، گامبۋرگ، پيرەنەي، روتتەردام جانە مۋگگا ترانزيتتىك پورتتارىنىڭ رەسەي پورتتارىنان قازاقستاندىق جۇكتەردى تاسىمالداۋ كەزىندە تۋىندايتىن قيىندىقتار تۋرالى ماسەلە تالقىلاندى.
«قازاقستان تاراپى رەسەي اۋماعىندا ورنالاسقان جۇكتەردى لاتۆيانىڭ تەڭىز پورتتارىنان ريگا، ۆەنشتپيلس جانە ليەپايا پورتتارىنا قايتا باعىتتايدى»، - دەپ حابارلادى مينيسترلىك كەزدەسۋدەن كەيىن.
لاتۆيا تاراپى لاتۆيا پورتتارىنىڭ قۋاتتىلىعى مەن وتكىزۋ قابىلەتىن قامتاماسىز ەتىپ، قازاقستاندىق جۇكتەردى قابىلداۋعا دايىن ەكەنىن مالىمدەدى.
ەسكە سالا كەتەيىك، بۇعان دەيىن ساۋدا جانە ينتەگراتسيا مينيسترلىگى بىرقاتار تەڭىز پورتتارىندا رەسەيگە قارسى سانكتسيالاردىڭ ەنگىزىلۋىنە بايلانىستى رەسەي ارقىلى ەو ەلدەرىنىڭ نارىقتارىنا ترانزيتپەن ءوتۋ كەزىندە كەشىگۋ فاكتىلەرى ورىن العانىن حابارلاعان بولاتىن.
«ادىرنا» ۇلتتىق پورتالى
