Ukraina prezidentı Vladimir Zelenskii Resei liderı Vladimir Putindı "soǧysty toqtatu üşın" kelıssöz üstelıne otyruǧa şaqyrdy. Zelenskiidıŋ aituynşa, ol Donbasstaǧy jaǧdaidy talqylauǧa daiyn.
«Saǧan ne bereiık, ne kerek? Jerımızden ket. Qazır ketkıŋ kelmese, kelıssöz ötkızeiık. Men erkın adammyn. Kelıssöz üstelıne otyr. Tek 30 metrlık üstelge emes. Men – körşıŋmın, menı 30 metr qaşyqtyqta ūstaudyŋ keregı joq. Men – erkekpın. Söileseiık, neden qorqasyŋ? Bız eşkımge qauıp töndırmeimız, terrorist emespız. Böten jerdı de jaulap alǧan joqpyz», - dedı Zelenskii Batys BAQ ökılderıne arnalǧan baspasöz mäslihaty kezınde.Sonymen qatar, Ukraina prezidentı NATO-nyŋ öz elınıŋ aumaǧynda soǧys qimyldaryn toqtatu mümkındıgıne kümän keltırdı. Zelenskii Mäskeudıŋ Kievke qoiatyn talaptaryn tüsınbeitının aitty.
"Bız Reseige şabuyl jasap jatqan joqpyz, oǧan şabuyl jasamaimyz da. Bız NATO-damyz ba? Joq. Bızde iadrolyq qaru bar ma? Joq. Men ne aituym kerek, kımge bırdeŋe beruım kerek?", - dedı baspasöz mäslihatynda.
Būǧan deiın 3 nauryzda Belarus aumaǧynda Resei men Ukraina delegasiialary arasynda kelıssözder ötken bolatyn. Būl kelıssözderdıŋ ekınşı raundy. Alaida Ukraina qalaǧan nätijege jete almady.
“Adyrna” ūlttyq portaly
Ūqsas jaŋalyqtar
