“Amanat” حالىقتىڭ اماناتىن ورىندايتىن پارتيا بولسىن - جەڭىس سەيدوللاۇلى

3169
Adyrna.kz Telegram

«Amanat» پارتياسىنا حالىقتىڭ اماناتىن ورىندايتىن ساياسي قۇرىلىم رەتىندە ءۇمىت ارتامىز. مۇنداي پىكىردى قازاقستاننىڭ ەڭبەك سىڭىرگەن قايراتكەرى، «روزا باعلانوۆا اتىنداعى «قازاقكونتسەرت« مەملەكەتتىك كونتسەرتتىك ۇيىمىنىڭ ديرەكتورى جەڭىس سەيدۋللاۇلى ءبىلدىردى، دەپ حابارلايدى “ادىرنا” ۇلتتىق پورتالى قازاقپارات سايتىنا سىلتەمە جاساپ. 

«دانا حالقىمىز ءاردايىم «اماناتقا قيانات جۇرمەيدى» دەيتىن بۇلجىماس قاعيدانى ۇستانىپ، ونىڭ قادىرىن تەرەڭ ۇعىنعان. شىنىمەن دە، امانات ۇعىمىنىڭ ونەگەسى، ءمانى زور.

امانات – بۇل سەنىم، جاۋاپكەرشىلىك جانە ادالدىق. كۇنى كەشە ەلىمىزدىڭ جەتەكشى پارتياسى «نۇر وتاننىڭ» اتاۋى «Amanat» دەپ وزگەرۋىندە ۇلكەن ءمان بار. ءبىز «Amanat» پارتياسىنا حالىقتىڭ اماناتىن ورىندايتىن ساياسي قۇرىلىم رەتىندە ءۇمىت ارتامىز»، - دەدى ول.

كونتسەرتتىك ۇيىم ديرەكتورى ساياسي ۇيىم اتاۋى وزگەرگەنمەن، حالىقتىڭ ۇنىنە قۇلاق اسىپ، ەلىمىزدى وركەندەتۋگە باعىتتالعان باستى ماقساتى وزگەرمەگەندىگىن ايتادى.

«بىراق ەندى ونىڭ جۇمىس ىستەۋ تاسىلدەرى جاڭعىرادى، دەمەك پارتيا مەن حالىقتىڭ ءوزارا بىرلىگى كۇشەيە تۇسەدى. الداعى ۋاقىتتا پارتيا مۇشەلەرى وسى مىندەتتى ورىنداۋعا بەلسەنە كىرىسەدى دەپ ويلايمىن.

پرەزيدەنت ايتقانداي، «ەگەمەندىگىمىز، ەلدىگىمىز بەن بىرلىگىمىز، كەڭ بايتاق جەرىمىز – بىزگە بابالاردان جەتكەن امانات. وسى قاستەرلى قۇندىلىقتارىمىزدى كوزدىڭ قاراشىعىنداي ساقتاۋىمىز كەرەك». سوندىقتان ءبىز دە پارتيانىڭ العان باعىتىن قولداپ، ۇيىمششىلدىق تانىتساق، ەلىمىزدىڭ ىرىس-بەرەكەسى ارتا تۇسەدى»، - دەدى جەڭىس سەيدۋللاۇلى.

”ادىرنا” ۇلتتىق پورتالى

پىكىرلەر