يلون ماسك ۋكراينادا ءوزىنىڭ Starlink عالامدىق سپۋتنيكتىك بايلانىس جۇيەسىنە قولجەتىمدىلىكتى اشقانىن حابارلادى، دەپ جازادى "ادىرنا" ۇلتتىق پورتالى.
"Starlink قىزمەتتەرى ەندى ۋكراينادا ۇسىنىلادى. جاڭا تەرمينالدار كەلە جاتىر", - دەپ جازدى ول Twitter-دە.
Starlink - عالامدىق سپۋتنيكتىك بايلانىس جۇيەسىنىڭ جوباسى. ونى 2002 جىلى يلون ماسك نەگىزىن قالاعان امەريكاندىق SpaceX كومپانياسى جاساعان. Starlink جۇيەسى جەر توڭىرەگىندەگى وربيتادا كوپتەگەن شاعىن اپپاراتتاردى (سالماعى 500 كگ دەيىن) ورنالاستىرۋ ەسەبىنەن بۇكىل الەم بويىنشا پايدالانۋشىلاردىڭ ينتەرنەتكە قول جەتكىزۋىن قامتاماسىز ەتۋگە ارنالعان.
بۇرىن Starlink الەمنىڭ 28 ەلىندە، سونىڭ ىشىندە سولتۇستىك امەريكادا، ەۋروپانىڭ بىرقاتار ەلدەرىندە، لاتىن امەريكاسىندا، سونداي-اق اۆستراليا مەن جاڭا زەلانديادا قول جەتىمدى بولدى.
"ادىرنا" ۇلتتىق پورتالى
