ساياسات نۇربەك ءماجىلىس دەپۋتاتى بولادى. بۇل تۋرالى اسحات ورالوۆ فەيسبۋكتەگى پاراقشاسىندا جازدى.
"قۇرمەتتى دوستار! بۇگىن «Nur Otan» پارتياسىنىڭ ساياسي كەڭەسى بيۋروسىنىڭ قاۋلىسىمەن 28 اقپاندا ساياسي كەڭەستىڭ وتىرىسىن وتكىزۋ تۋرالى شەشىم قابىلداندى. وندا پارتيانىڭ كەزەكتەن تىس XXII سەزىنىڭ كۇن ءتارتىبى بەكىتىلەدى.
سونداي-اق، ساياسي كەڭەس بيۋروسىنىڭ قاۋلىسىمەن «Nur Otan» پارتياسىنان پارلامەنت ءماجىلىسى دەپۋتاتىنىڭ بوس مانداتى پارتيالىق ءتىزىم بويىنشا ساياسات نۇربەككە بەرىلۋ تۋرالى شەشىم قابىلداندى. ءتيىستى شەشىم قر ورتالىق سايلاۋ كوميسسياسىنا جىبەرىلدى", - دەپ جازدى ول.
"ادىرنا" ۇلتتىق پورتالى
