كيەۆتە تۇراتىن قازاقستاندىقتار ەۆاكۋاتسياعا دايىندالىپ جاتىر. بۇل تۋرالى كيەۆ تۇرعىنى ءاليا تۇرىسبەكوۆا ايتتى، - دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەمە جاساپ.
"بالالاردىڭ، ءوزىمنىڭ زاتتارىمدى جيناپ جاتىرمىن. قازاقستان ەلشىلىگى ازاماتتاردى ەۆاكۋاتسيالاۋدى جوسپارلاپ وتىر", - دەدى تۇرىسبەكوۆا.
ونىڭ ايتۋىنشا، قازىر كيەۆتەگى جاعداي الاڭداتىپ وتىر.
"بىزدە ءبارى جاقسى. بىراق ءبارىبىر قورقىنىشتى. ءبىر جەردە سوعىس بولىپ جاتقانىن ەستۋ بولەك تە، تاڭەرتەڭگى ساعات 6-دا جارىلىس داۋىسىنان ويانۋ مۇلدەم باسقاشا سەزىم", - دەدى ول.
بۇعان دەيىن ءسىم جاعداي ۋشىقسا، قازاقستان ازاماتتارى جەدەل جەلى تەلەفوندارىنا حابارلاسا الاتىنىن ايتقان ەدى: +38 067 347 04 08 (WhatsApp, Viber), +38 044 483 15 96, +38 044 489 18 58.
سونداي-اق، وتانداستارىمىز حاركوۆ (كونسۋلدىق وكرۋگ حاركوۆ، سۋمى جانە پولتاۆا وبلىستارىن قامتيدى), لۆوۆ (ۆولىنسكايا، زاكارپاتسكايا، يۆانو-فرانكوۆسكايا، روۆنەنسكايا، تەرنوپولسكايا، حمەلنيتسكايا، چەرنوۆەتسكايا جانە لۆوۆ وبلىستارى), ودەسسا (نيكولاەۆسكايا، حەرسون جانە ودەسسا وبلىستارى) جانە دنەپر (دنەپروپەتروۆسك وبلىسى) قالالارىندا ورنالاسقان قر قۇرمەتتى كونسۋلدارىنىڭ كەڭسەلەرىنە جۇگىنە الادى.
قازىر ۋاقىتشا كونسۋل ەسەبىندە 493 ادام تۇر، ولار - ەلشىلىك قىزمەتكەرلەرى مەن ولاردىڭ وتباسى مۇشەلەرى، ستۋدەنتتەر مەن بيزنەس وكىلدەرى. تۇراقتى كونسۋل ەسەبىندە 1110 ادام تۇر. قازاقستان ازاماتتارى ۋكراينانىڭ كيەۆ، كيەۆ، ودەسسا، حاركوۆ جانە لۆوۆ وبلىستارىندا تۇرادى.
“ادىرنا” ۇلتتىق پورتالى
