رەسەي پرەزيدەنتى ۆلاديمير پۋتين ۋكراينا شىعىسىنداعى لۋگانسك جانە دونەتسك ايماقتارىن جەكە مەملەكەت دەپ مويىندادى. بۇل تۋرالى ول فرانتسيا پرەزيدەنتى مەن گەرمانيا كانتسلەرىنە رەسمي مالىمدەدى. ءتيىستى جارلىققا قول قويماق. ول بۇل ويىن رەسەي حالقىنا ايتقان ۇندەۋىندە دە قۋاتتادى.
بۇگىن رەسەي باسشىسى قاۋىپسىزدىك كەڭەسىن وتكىزىپ، شەنەۋنىكتەردىڭ ويى مەن پىكىرىن تىڭداعان بولاتىن. ولاردىڭ بارلىعى دەرلىك ۋكراينا شىعىسىنداعى سەپاراتيستەردى مويىنداپ، رەسەي ءوز كومەگىن بەرۋ كەرەكتىگىن ايتتى. ەكى ساعاتقا جۋىق تىكەلەي ەفيردەن كورسەتىلگەن جيىن سوڭىندا پۋتين بۇل ماسەلە بويىنشا شەشىمدى بۇگىن قابىلدايتىنىن ايتقان ەدى.
ساراپشىلار رەسەيدىڭ بۇل قادامى مينسك كەلىسىمدەرىن تۇبەگەيلى جوققا شىعارىپ، سوعىسقا اپاراتىن قابام دەپ باعالاپ وتىر.
"ادىرنا" ۇلتتىق پورتالى
