بۇل وقيعانى جاقىندا الەۋمەتتىك جەلىدە تسەزار ەسىمدى جاس جىگىت ءبولىستى. "ەكسپرەسس ك"-گە بەرگەن سۇحباتىندا ول بۇل وقيعانىڭ ونىڭ جۇرەگىندە ماڭگى سىزات بولىپ قالاتىنىن مالىمدەگەن، دەپ حابارلايدى "ادىرنا" ۇلتتىق پورتالى.
جىگىتتىڭ مويىنداۋى قازنەتتى ءدۇر سىلكىندىردى، ويتكەنى مۇنداي جايتتاردى جۇرتشىلىق الدىندا مويىنداۋعا اركىمنىڭ باتىلى جەتە بەرمەيدى. ايتۋىنشا، 13 جاسىندا ونى ەرەسەك ادام زورلاپ كەتكەن. كوپتەگەن جىلدار ءوتتى، ول بالا ەر جەتتى. بىراق بولعان وقيعا ونىڭ جۇرەگىندە ماڭگى قالدى. ول بولعان جايتتى ەشكىمگە ايتپادى.
قازىر مەن ۇلكەندەردىڭ ورتاسىندا جالعىز قالۋعا قورقامىن. تۇندە جۇرۋگە دە قورقامىن، — دەپ مويىندادى جاس جىگىت.
ايتپاقشى، زورلاۋ فاكتىسىن مويىنداۋ قىزۋ پىكىرتالاس تۋدىردى. كوپتەگەن قىزدار ونى اياپ، سۇلۋلىعىنا ءسۇيسىندى.
مودەل اندروگيندىك ءستيلدى ۇستانادى، ياعني كوزى مەن ەرنىن بوياپ، سىرتقى كەلبەتىنە ەرەكشە قارايدى. وڭتۇستىك كورەيادا جاس جىگىتتەردىڭ 20 پايىزى كوسمەتيكا قولدانسا، قازاقستاندا بۇل وتە قيىن ءۇردىس. تسەزار ءوزىنىڭ يميدجىنە بايلانىستى وعان قاتتى قىسىم جاساپ جاتقانىن ايتادى جانە بۇل بارلىق ۋاقىتتا تالقىلانا بەرەتىن دۇنيە.
ازات ەلمىز دەسەم، ولار ماعان: ءيا، ازاتپىز، بىراق ءبارىبىر «كەڭەس ەلىمىز» دەپ جاۋاپ بەرەدى. ولار مەنىڭ الەۋمەتتىك جەلىلەرىمدى قاداعالايمىز دەپ قورقىتادى، دەدى جىگىت.
ونىڭ ايتۋىنشا، ەركەك پەن ايەلدىڭ سىرتقى كەلبەتى تۋرالى كوپتەگەن ستەرەوتيپتەر بار.
بارلىق ادامدارعا ايتقىم كەلەتىنى: اركىمنىڭ ءوز ءومىرى بار جانە كەز كەلگەن ادام ءوزى قالاعانداي ءومىر سۇرۋگە تولىق قۇقىعى بار، دەيدى ول.
"ادىرنا" ۇلتتىق پورتالى
