Bul oqıǵany jaqynda áleýmettik jelide ezar esimdi jas jigit bólisti. "Ekspress K"-ge bergen suhbatynda ol bul oqıǵanyń onyń júreginde máńgi syzat bolyp qalatynyn málimdegen, dep habarlaıdy "Adyrna" ulttyq portaly.
Jigittiń moıyndaýy Qaznetti dúr silkindirdi, óıtkeni mundaı jaıttardy jurtshylyq aldynda moıyndaýǵa árkimniń batyly jete bermeıdi. Aıtýynsha, 13 jasynda ony eresek adam zorlap ketken. Kóptegen jyldar ótti, ol bala er jetti. Biraq bolǵan oqıǵa onyń júreginde máńgi qaldy. Ol bolǵan jaıtty eshkimge aıtpady.
Qazir men úlkenderdiń ortasynda jalǵyz qalýǵa qorqamyn. Túnde júrýge de qorqamyn, — dep moıyndady jas jigit.
Aıtpaqshy, zorlaý faktisin moıyndaý qyzý pikirtalas týdyrdy. Kóptegen qyzdar ony aıap, sulýlyǵyna súısindi.
Model androgındik stıldi ustanady, ıaǵnı kózi men ernin boıap, syrtqy kelbetine erekshe qaraıdy. Ońtústik Koreıada jas jigitterdiń 20 paıyzy kosmetıka qoldansa, Qazaqstanda bul óte qıyn úrdis. ezar óziniń ımıdjine baılanysty oǵan qatty qysym jasap jatqanyn aıtady jáne bul barlyq ýaqytta talqylana beretin dúnıe.
Azat elmiz desem, olar maǵan: ıá, azatpyz, biraq báribir «Keńes elimiz» dep jaýap beredi. Olar meniń áleýmettik jelilerimdi qadaǵalaımyz dep qorqytady, dedi jigit.
Onyń aıtýynsha, erkek pen áıeldiń syrtqy kelbeti týraly kóptegen stereotıpter bar.
Barlyq adamdarǵa aıtqym keletini: árkimniń óz ómiri bar jáne kez kelgen adam ózi qalaǵandaı ómir súrýge tolyq quqyǵy bar, deıdi ol.
"Adyrna" ulttyq portaly
