وسى ەكى جازۋشىمىزدى نوبەل ادەبيەت سىيلىعىنا ۇسىنۋىمىز كەرەك.
قالاي ۇسىنامىز？
1. تولەن ابدىكتىڭ "توزاق وتتارى جىمىڭدايدى" اتتى شىعارماسى الەمدىك دەڭگەيدەگى تۋىندى. اتالعان شىعارمانىڭ تاقىرىبى دا، ويى دا قازىرگى قوعام ءۇشىن وتە وزەكتى. ەگەر وسى پوۆەستى اعىلشىن تىلىنە نەمەسە شۆەد تىلىنە اۋدارىپ，باسپادان شىعاراتىن بەدەلدى شەتەلدىك باسپا تابۋىمىز كەرەك.
"بىزگە نوبەلدى بەرمەيدى" دەپ وكپەلەي بەرسەك，ۇنىمىز ەشكىمگە جەتپەيدى. ونىڭ ۇستىنە، ەشكىم بىزگە قازاق تىلىندە جازىلعان شىعارما ءۇشىن نوبەل سىيلىعىن بەرە سالمايدى.
2. جازۋشى تىنىمباي نۇرماعامبەتوۆتىڭ "ايقايى" باستاعان قاي-قايسى شىعارماسى دا الەمدىك سىيلىققا ۇيالماي ۇسىنۋعا جارايتىن دۇنيەلەر.
قازىر بىزگە جەتىسپەيتىنى - ءوزىمىزدىڭ رۋحاني قازىنامىزدى باعالاي ءبىلۋ. بۇل شىعارما دا ۇلكەن تىلدەرگە تەزىرەك اۋدارىلسا ءۇمىت ۇشقىنى جانار ەدى.
ەگەر وسى ەكى قالامگەردىڭ بىرەۋى بولماسا بىرەۋى نوبەلدى السا، الەم وقىرمانى دا بىزگە العىس ايتاتىنى ءسوزسىز. قازىر جازۋشىلارمەن سويلەسە قالساڭ，
"قازاق ادەبيەتى بارىنەن بيىك" دەپ شالقاقتايدى. سىزدەردىكى نە شالقاق？
وزىمىزگە ءوزىمىزدىڭ تونىمىز جىلى سەزىلەتىنى سياقتى اڭگىمە بۇل. ەشكىم مويىنداماسا، ءتىپتى بىلمەسە، ول ادەبيەت نەسىمەن بيىك؟
ەندەشە، ءوز دەڭگەيى بار ادەبيەتىمىزدى التاي مەن اتىراۋدىڭ اراسىندا عانا تۇرالاتپاي، الەمدىك ارەناعا شىعۋىنا كومەكتەسەيىك. ول ءۇشىن الدىمەن ساپالى اۋدارما قاجەت. بۇعان ءسىز نە دەيسىز？
دۇيسەنالى الىماقىن
