Osy eki jazýshymyzdy Nobel ádebıet syılyǵyna usynýymyz kerek.
Qalaı usynamyz？
1. Tólen Ábdiktiń "Tozaq ottary jymyńdaıdy" atty shyǵarmasy álemdik deńgeıdegi týyndy. Atalǵan shyǵarmanyń taqyryby da, oıy da qazirgi qoǵam úshin óte ózekti. Eger osy povesti aǵylshyn tiline nemese shved tiline aýdaryp，baspadan shyǵaratyn bedeldi sheteldik baspa tabýymyz kerek.
"Bizge Nobeldi bermeıdi" dep ókpeleı bersek，únimiz eshkimge jetpeıdi. Onyń ústine, eshkim bizge qazaq tilinde jazylǵan shyǵarma úshin Nobel syılyǵyn bere salmaıdy.
2. Jazýshy Tynymbaı Nurmaǵambetovtyń "Aıqaıy" bastaǵan qaı-qaısy shyǵarmasy da álemdik syılyqqa uıalmaı usynýǵa jaraıtyn dúnıeler.
Qazir bizge jetispeıtini - ózimizdiń rýhanı qazynamyzdy baǵalaı bilý. Bul shyǵarma da úlken tilderge tezirek aýdarylsa úmit ushqyny janar edi.
Eger osy eki qalamgerdiń bireýi bolmasa bireýi Nobeldi alsa, álem oqyrmany da bizge alǵys aıtatyny sózsiz. Qazir jazýshylarmen sóılese qalsań，
"Qazaq ádebıeti bárinen bıik" dep shalqaqtaıdy. SIZDERDIKI NE ShALQAQ？
Ózimizge ózimizdiń tonymyz jyly seziletini sııaqty áńgime bul. Eshkim moıyndamasa, tipti bilmese, ol ádebıet nesimen bıik?
Endeshe, óz deńgeıi bar ádebıetimizdi Altaı men Atyraýdyń arasynda ǵana turalatpaı, álemdik arenaǵa shyǵýyna kómekteseıik. Ol úshin aldymen sapaly aýdarma qajet. Buǵan siz ne deısiz？
Dúısenáli ÁLIMAQYN
