كاسىپكەر رايىمبەك باتالوۆ «اتامەكەن» ۇلتتىق كاسىپكەرلەر پالاتاسىنىڭ (ۇكپ) پرەزيديۋمىن باسقاردى. باتالوۆ جۇما كۇنى ۇلتتىق پالاتانىڭ كەزەكتەن تىس سەزىندە ۇكپ پرەزيديۋمىنىڭ باسشىسى بولىپ سايلاندى.
باتالوۆ بۇعان دەيىن ۇكپ تورالقاسىنىڭ شاعىن جانە ورتا بيزنەستى دامىتۋ كوميتەتىنىڭ توراعاسى بولعان، سونىمەن بىرگە قازاقستان كاسىپكەرلەر فورۋمى قاۋىمداستىعىنىڭ باسقارما توراعاسى، شانحاي ىنتىماقتاستىق ۇيىمى (شىۇ) ىسكەرلىك كەڭەسىنىڭ توراعاسى بولىپ تابىلادى. ول قازاقستانداعى ەڭ ىقپالدى كاسىپكەرلەرىنىڭ ءبىرى.
ەسكە سالايىق، 17 قاڭتارعا دەيىن «اتامەكەن» ۇلتتىق پالاتاسىنىڭ پرەزيديۋمىن قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ورتانشى كۇيەۋ بالاسى، ميللياردەر تيمۋر قۇلىباەۆ باسقاردى. 17 اقپاندا باتالوۆتىڭ ۇلتتىق پالاتا پرەزيديۋمى باسشىسىنىڭ مىندەتىن اتقارۋشى بولعانى بەلگىلى بولدى.
"ادىرنا" ۇلتتىق پورتالى
