Kásipker Raıymbek Batalov «Atameken» Ulttyq kásipkerler palatasynyń (UKP) prezıdıýmyn basqardy. Batalov juma kúni Ulttyq palatanyń kezekten tys sezinde UKP prezıdıýmynyń basshysy bolyp saılandy.
Batalov buǵan deıin UKP Tóralqasynyń Shaǵyn jáne orta bıznesti damytý komıtetiniń tóraǵasy bolǵan, sonymen birge Qazaqstan kásipkerler forýmy qaýymdastyǵynyń basqarma tóraǵasy, Shanhaı yntymaqtastyq uıymy (ShYU) iskerlik keńesiniń tóraǵasy bolyp tabylady. Ol Qazaqstandaǵy eń yqpaldy kásipkerleriniń biri.
Eske salaıyq, 17 qańtarǵa deıin «Atameken» Ulttyq palatasynyń prezıdıýmyn Qazaqstannyń tuńǵysh prezıdenti Nursultan Nazarbaevtyń ortanshy kúıeý balasy, mıllıarder Tımýr Qulybaev basqardy. 17 aqpanda Batalovtyń Ulttyq palata prezıdıýmy basshysynyń mindetin atqarýshy bolǵany belgili boldy.
"Adyrna" ulttyq portaly
