12 اقپان كۇنى ەگىندىكول ىشكى ساياسات، مادەنيەت، تىلدەردى دامىتۋ جانە سپورت ءبولىمىنىڭ ۇيىمداستىرۋىمەن جانە مادەنيەت ءۇيىنىڭ قاتىسۋىمەن فيلولوگيا عىلىمدارىنىڭ كانديداتى،دوتسەنت،ايتىسكەر اقىن سەرىكزات دۇيسەنعازىمەن "سەرىكزاتپەن سىرلاسۋ" رۋحاني كەزدەسۋ كەشى جوعارى دەڭگەيدە ءوتتى.اۋداننىڭ جالىندى جاستارىنا جىگەرلەندىرۋ سىيلاعان كەزدەسۋ كەشى ەكى ساعاتقا ۇلاستى.
ەگىندىكول اۋدانىنا ەرەكشە ىقىلاستارىن توگۋگە ەۋرازيا ۇلتتىق ۋنيۆەريتەتىنىڭ ۇستازى وزىمەن بىرگە
«توپجارعان» اقىندار كلۋبىن الا كەلدى.
س.دۇيسەنعازى پوەزيا الەمىمەن، ايتىس جولىنداعى جاقسى ەستەلىكتەرىن قىزىقتى ەتىپ بايانداپ بەردى.
ءالى وقىرماندارىنا جول تارتپاعان كەشە عانا شىققان جاڭا كىتابىن اۋدان جۇرتشىلىعىنا سىيعا تارتتى.
جىگەرلەندىرۋگە تولى بولعان رۋحاني كەشتىڭ كورەرمەندەرىنە اسەرى وتە جاقسى بولدى. شاكىرتتەرى ايتىس ونەرىن جاساپ،ءان ايتىپ پوەزيا الەمىنە سىر شەرتتى.
ياعني اتاپ ايتار بولساق، رەسپبۋليكالىق ايتىستاردىڭ باس جۇلدەگەرى ابزال ماقاش پەن ايتىسكەر قىز ساعىنىش سمەت تاماشا ايتىس ونەرىن كورسەتتى. ەرەكشە داۋىس يەسى ارمانبەك جاكەيحانۇلى قازاقتىڭ ءداستۇرىن جالعاپ جۇرەكتى تەربەپ اسەم انىمەن كورەرمەندەر كوزايىمىنا اينالدى.
كوركەمسوز شەبەرى،جاس اقىن قىز اياجان قوجاتاي ءوز شىعارماشىلىعىنان ولەڭ تارتۋ ەتتى.قازاق ونەرىنە تىلىنە جانى اشيتىن ازامات ۇلتتىق قاسيەتىمىزدىڭ جوعالماۋ كەرەكتىگىن اشىپ ايتتى.
جاستارمەن تىكەلەي سۇقبات جاساپ، كوكەيدەگى سۇراقتارعا تولىققاندى جاۋاپ بەردى. اۋداننىڭ اتىنان جول باستاعان ء"تىل مادەنيەتى" جاس اقىندار كلۋبىنا اق باتاسىن بەرىپ، ساتتىلىك تىلەدى.
اۋداننىڭ اتىنان ونەر كورسەتكەن امانگەلدى رايحان، التىنگۇل مۇرات، امانجول سۇراعانوۆ، كاۋسار قايراتوۆا، ينديرا سەرىكبول، جانبولات جانىبەك، بەرجان قۋانعان اقىننىڭ كوڭىلىنە جىلۋ سىيلادى.
كەش سوڭىندا قورىتىندىلاپ ىشكى ساياسات مادەنيەت، تىلدەردى دامىتۋ جانە سپورت ءبولىمىنىڭ باسشىسى الماس اسقارۇلى العىسىن ءبىلدىرىپ، ايتىسكەر اقىنعا شاپان جاپتى. ەل العىسىنا بولەنگەن رۋحاني كەشتىڭ جالعاسى تابارىنا سەنىم بىلدىرەمىز.
”ادىرنا” ۇلتتىق پورتالى
