بۇگىن ساعات 10.00-دە ا.توقماعامبەتوۆ اتىنداعى قالالىق مادەنيەت ۇيىندە ۇيىرمە جەتەكشىلەرىنىڭ كاسىبي دامۋىنا ىقپال ەتۋ، ءىس-قاعاز جۇمىستارىن ساۋاتتى تۇردە جۇيەلەۋ، جاڭاشىل تاجىريبەلەرمەن ءبولىسۋ ماقساتىندا «بالالار جىلى» اياسىندا «مادەنيەت ۇيلەرى مەن كلۋب كاسىپورىندارىندا ۇيىرمە جۇمىستارىن ۇيىمداستىرۋ جانە جانداندىرۋ جولدارى» اتتى وبلىستىق سەمينار ءوتتى.
اتالمىش شاراعا قالا جانە بارلىق اۋدانداردان كەلگەن مادەنيەت قىزمەتكەرلەرى، ۇيىرمە جەتەكشىلەرى قاتىستى. ونەرلى دە تالانتتى جاستارعا جول سىلتەپ، ۇمىتتەرىن ۇكىلەپ، قاناتتارىنىڭ قاتايۋىنا زور ۇلەس قوسىپ جۇرگەن قالالىق مادەنيەت ۇيىندەگى ءتۇرلى ۇيىرمەلەر جۇمىسى جايلى بەينەروليكپەن باستالعان شارانىڭ العى ءسوزى قالالىق مادەنيەت جانە تىلدەردى دامىتۋ ءبولىمىنىڭ باسشىسى ن. ابىلداەۆ بەرىلىپ، ول ءوز سوزىندە 2022 جىل «بالالار جىلى» ەكەندىگىن تىلگە تيەك ەتىپ، بالالاردىڭ بوس ۋاقىتىن ءتيىمدى وتكىزۋ ماقساتىندا مادەنيەت ۇيلەرىندەگى ۇيىرمەلەردىڭ جاس ونەرپازداردىڭ ونەرىن شىڭداپ، تالانتتى بالالاردى انىقتاپ، ۇلكەن ساحناعا شىعارۋدا ورنى ەرەكشە ەكەنىن اتاپ ءوتتى. سونداي-اق، سەميناردا قالالىق مادەنيەت ءۇيىنىڭ بىرقاتار ۇيىرمە جەتەكشىلەرى باي تاجىريبەلەرىمەن ءبولىسىپ، ۇيىرمەنىڭ جاس ونەرپازدارى ءوز ونەرلەرىن ورتاعا سالدى. شارانى «قالالىق مادەنيەت ءۇيى،كلۋبتار جانە حالىقتىق ۇجىمدار» مكقك ديرەكتورى ە. قاناتباەۆا قورىتىندىلادى.
ارنايى ۇيىمداستىرىلىپ وتىرعان بۇل كەزدەسۋدىڭ باستى مۇراتى - ۇيىرمە جۇمىسىن جانداندىرۋ ماقساتىندا ۇيىرمەلەرگە تەگىن قاتىسۋ ارقىلى جاس جەتكىنشەكتەرگە ۇلكەن مۇمكىندىكتەر اشىپ، تالانتتارىن شىڭداپ، وبلىستىق، رەسپۋبليكالىق، حالىقارالىق بايقاۋلارعا قاتىسۋىنا ۇلكەن مۇمكىندىك مەكتەبىن قالىپتاستىرۋ.
بولاشاقتا ەلىمىزدىڭ وركەندەۋىنە ءبىلىمدى جاستار عانا بيىك اسۋلاردان اسا الاتىنىن ەسكەرسەك، بالالارعا جاساعان قامقورلىق ەلىمىزگە ەسەلەپ قايتاتىنى انىق. ەل تىرەگى، ەرتەڭىمىزدىڭ كەپىلى بولعان جاس ۇرپاعىمىزدىڭ دەندەرى ساۋ، اسپانى اشىق بولسىن!
قالا جانە قالاعا قاراستى ەلدى-مەكەندەردەگى مادەنيەت وشاقتارىندا ءتۇرلى جانردا تەگىن ۇيىرمەلەر جۇمىس جاسايتىندىعىن حاباردار ەتە وتىرىپ، اتا-انالارعا بالالارىڭىزدى ۇيىرمەلەرگە قابىلداۋ جۇرگىزىلىپ جاتقانىن حابارلايمىز! جۋىردا الەۋمەتتىك جەلى ارقىلى وسى ۇيىرمەلەر تۋرالى تولىق اقپارات جاريالاناتىن بولادى.
